မိုးသောက်ယံရဲ့အခန်းငယ်

မန်ချက်စတာယူနိုက်တက်ဖိုရမ်

2008-11-06T15:07:00.003+08:00

ကဲ အားလုံးအတွက် သတင်းကောင်းလေး တခု ပါးချင်ပါတယ်။ ကျနော်တို့ သရဲနီချစ်သူတွေ အတွက် အကိုလင်းထက်ကနေပီး သရဲနီတို့ ပျော်စံရာ ဘလော့လေးတခု မွေးဖွားပေးခဲ့သလို အခုအချိန်မှာလည်း သရဲနီ ချစ်သူများ ပိုမိုစည်းစည်းလုံးလုံးနဲ့ အတူတကွ ဆွေးနွေးတိုင်ပင်ကြရန်အတွက် သရဲနီဖိုရမ်ကို နိုဝင်ဘာလ ငါးရက်နေ့မှ စပီး ဖွင့်လှစ်ပေးလိုက်ပါပီ။ ဒီဖိုရမ်လေးမှာ ကျနော်တို့ သရဲနီချစ်သူတွေ တပေါင်းတစည်းတည်း ဖြစ်စေရန်အပြင် အလှမ်းနီးသမျှ ဘောလုံးသတင်း အားလုံးကို တင်ကာ ဆွေးနွေးသွားမှာ ဖြစ်တာကြောင့် တခြား ဘောလုံး ချစ်သူများအားလုံးလည်း ၀င်ရောက် ဆွေးနွေးနိုင်ကြပါတယ်။ စတင်တည်ထောင်ပေးခဲ့တဲ့ အကိုလင်းထက် ကို ဒီနေရာကနေပီး အထူးကျေးဇူးတင်ကြောင်း ပြောပါရစေ။ တခြားကျနော်တို့ မန်ယူချစ်သူ တွေနဲ့ အခြားဘောလုံးချစ်သူများ အားလုံးလည်း အတူတကွ ပူးပေါင်းကြိုးစားကြပါစို့လို့ ....

အပြုံးတချက်

2008-10-27T08:35:00.002+08:00

အပြုံး တချက်ဟာ ဒီလောက် ခက်ခဲပါသလား ...

ကျနော် အကြိမ်ကြိမ် ပြန်စဉ်းစားနေကြည့်မိသည်။ စဉ်းစားလိုက်တိုင်း အဖြေက မိမိကိုယ်ကို သာ အပြစ်တင် နေမိသည်။ ဘာကြောင့် ဒီလောက် ဖော်ရွေမှု နည်းရပါသလဲဟု .. ဖြစ်ပုံက ဒီလို ..

ကျနော် အလုပ်လုပ်သော ကာစီနိုထဲတွင် လှည့်ကာ ကျနော်တို့ Dept နှင့်သက်ဆိုင်သော Slot Machines များကို လှည့်ကြည့်နေတုန်း ဖြတ်လာသော Marketing မန်နေဂျာကို ကျနော် တွေ့လိုက်သည်။ တွေ့လိုက်ပါလျှက် မိမိ အထက်လူကြီးတယောက်ကို ပြုံးပြသင့်ပါလျှက် ကျနော် သူ အနားရောက်လာချိန်ထိ ကျနော်မပြုံးပြ မိသည့်အပြင် အဲ့အချိန်မှာ ကျနော့မျက်နှာက တော်တော် တည်နေခဲ့သည်ဟု ကျနော်ထင်သည်။ သူကတော့ အဲ့လိုမဟုတ် Marketing မန်နေဂျာ ပီသစွာ ဖော်ရွေသော အပြုံးတချက်ကို ကိုယ့်လက်အောက် ငယ်သားပင် ဖြစ်စေကာမူ ပြုံးပြသွားခဲ့သည်။ အဲ့ဒီ စက္ကန့်ပိုင်းလေး အတွင်းမှာပင် ကျနော် အရှက်ကြီး ရှက်ရတော့သည်။ မိမိလုပ်နေသည်က လူအများနှင့် ဆက်ဆံနေရသော နေရာတခု ထို့အပြင်ကိုယ့် အလုပ်က ပိုရွေ့ လူအများနှင့် တိုက်ရိုက်ထိတွေ့ရသော အလုပ်။ အများကြီး စဉ်းစားမိကာ မိမိ အပြုအမူအတွက် အရှက် ရမိတော့သည်။ ထိုကြောင့် သူ တပတ်ပြန်လာသော အခါ ကျနော် က ဦးအောင် ဖော်ဖော်ရွေရွေ ပြုံးပြ လိုက်မိသည်။ ထို့အတွက် သူက ကျနော့ ပုခုံးကို ပုတ်ကာ ခေါင်းညိမ့် ဆက်လျှောက်သွားတော့သည်။

အမှန်က ကျနော် ဒီရက်ပိုင်း တော်တော့ ကို အလုပ်များနေသည်။ ပုံမှန် ၀န်ထမ်းတယောက် အနေနှင့် သိပ်မများ နိုင်ပေမဲ့ ကျနော်တို့ယူထားရသော နေရာက တဌာနလုံးမှာမှ ကျနော်အပါအ၀င် လေးယောက်သာရှိသည်။ ကျနော်တို့ ညဂျူတီတွင် ၂ ယောက်သာရှိသည့် အတွက် အထဲတွင်ရော ရုံးခန်းတွင်ပါ ကျနော်တို့ အလုပ်များ ကြသည်။ ဒီရက်ပိုင်း ပိုများသည့် အကြောင်းက နေရာတူ သူငယ်ချင်းတယောက်က အပြီး ပြန်သွားခဲ့သည်။ သူပြန်သွားတော့ သူကိုင်ထားသော ပရော့ဂျက်များကို HOD လုပ်သူက ကျနော့ကို လုပ်နိုင် မလုပ်နိုင် မမေးပဲ တာဝန်ပေးခဲ့သည်။ ပေးခဲ့တာက ကျနော်လုံးဝ မကျွမ်းကျင်သော ဂရပ်ဖစ်ဒီဇိုင်းများ ... ပထမရက်ပိုင်း တော်တော်ကို စိတ်တိုခဲ့သည်။ သို့ပေမဲ့ သူ့ဆန်စား ရဲရမည် ဟု တင်းကာ ဖြစ်အောင် လေ့လာခဲ့ကာ အရင် အခြေခံနှင့် ပေါင်းပီး ကျနော်တတ်နိုင်သမျှ ကြိုးစားခဲ့သည်။ ထုတ်သမျှ ဒီဇိုင်းကို ဂျေးများကာ ပြန်ပြင်ခိုင်းခဲ့သော မားကက်တင်း ဌာနကိုလည်း ကျေးဇူးတင်သည်။ သူတို့ ဂျေးများလို့သာ အခု ကျနော် နားလည်ရသည်။ တပတ်အတွင်း ကျနော် ဒီဇိုင်း ၇ ခု ထုတ်ပေးခဲ့သည်။ သို့ပေမဲ့ ရလဒ်က ကျနော် လူရှေ့သူရှေ့ မရှောင် ဟန်မဆောင်နိုင်လောက်အောင် စိတ်ကျဉ်းကျပ်မှုကြောင့် မျက်နှာက မှုန်ကုတ်ကုတ် ဖြစ်သွားရသည်။ နောက် တချက် ရီပြဖို့ကို သေမလောက် တွန့်တိုနေခဲ့တော့သည်။ တချက်ရယ်ရင် တရက်အသက်ပိုရှည် မည်ဟု ကြားဖူးပေမဲ့ ဘာကိုမှ ဂရုမစိုက်နိုင်လောက်အောင် ကျနော့် အလုပ်ပိခဲ့သည်။ သို့ပေမဲ့ ဒီမနက် သင်ခန်းစာက ကျနော့ကို ပြုပြင်ပေးလိုက်ပြီ။

အလုပ်ဘယ်လောက်များများ ကျနော် နောက်ကို ပြုံးဖို့ ၀န်မလေးတော့ပါ။ ကျနော့အပြုံးက လူတယောက်ကို စိတ်အဆင်ပြေမှု ပေးနိုင်တယ်ဆို ကျနော် ပြုံးရကျိုး နပ်ပီဟု .....

ကျနော့်သူငယ်ချင်း - ၁

2008-10-19T03:39:00.002+08:00

အကိုကြီး ZeroTrash ရဲ့ သူငယ်ချင်းတွေဆိုတဲ့ ပို့စ်ကို သွားဖတ်ပီးတည်းက ကျနော်လည်း ကျနော့ ချစ်သယ်ချင်း တွေအကြောင်း ရေးချင်ခဲ့တာ ကြာပါပီ။ သို့ပေသော်လည်းပေါ့ဗျာ အကြောင်းကြောင်းသော အကြောင်းတို့ကြောင့် သင်းတို့ခမျာ ကျနော့ စာမျက်နှာပေါ် တက်ခွင့်မရခဲ့ကြ ရှာဘူးပေါ့။ (အဟဲ ဟိုကောင်တွေ ဖတ်ပီး ဆဲမယ် မကြံနဲ့၊ ရာရာစစ သူ့စာမျက်နှာပေါ်ပဲ တက်ရဦးမယ်လို့လည်း မိန်းမလို မိန်းမရ ပြောမနေနဲ့၊ ငါက မင်းတို့ ကောင်းစား စေချင်လွန်းလို့ ကိုယ်ထင် ပြရတာကွ (အဲလေ ရောကုန်ပီ) မင်းတို့ ကောင်းစေ ချင်လွန်းလို့ ရေးပေး ရတာကွ။) ဟိုးငယ်ငယ်လေးတည်းက ကျနော်နဲ့တူတူ ကောင်းတူဆိုးဖက် ခံစားခဲ့ကြတဲ့ ကျနော့် ချစ်သယ်ချင်းတွေ အကြောင်း စရေးပါတော့မယ် ဒန် တန့် တန် ... ။ ;D

ဟန်လွင်ဦး

ကျနော့ရဲ့ ညီအကို လိုချစ်တဲ့ အရင်းနှီးဆုံး သူငယ်ချင်းတွေထဲက သူငယ်ချင်းတယောက်ပါပဲ။ ဒီကောင့်ကိုတော့ အဖွဲ့ထဲမှာ ချီးကြောင် ရယ်လို့ နာမည်ဖျက်ပေးထားကြတယ် ခင်ဗျ။ ပုံမှန်ဆိုရင် ကောင်းပေမဲ့ တခါတခါ ကျပ်မပြည့်ပဲ လုပ်ချင်တာ ထလုပ်တတ်လို့ ဒီနာမည်ကို ပေးထားရခြင်းဖြစ်ပါတယ်။ ခုမှရတဲ့နာမည်လည်း မဟုတ်ပါဘူး ဟိုးငယ်ငယ် လေးတန်းကျောင်းသား ဘ၀လောက်တည်းက ပိုင်ဆိုင်ထားတဲ့ ဘွဲ့ဖြစ်ပါတယ်။ လူပုံစံကတော့ ဖြူဖြူ ပိန်ပိန်နဲ့ ရုပ်ရည်က ခပ်သန့်သန့်မို့ SKB ပေါ့ဗျာ။ (ဒါပေမဲ့ ခုချိန်ထိ ရည်းစား မယ်မယ်ရရ မရှိသေးပါဘူး အီစီကလီတွေတော့ ရှိပါရဲ့)။ ဒီကောင်နဲ့ ကျနော် စခင်တာက ကျနော် သင်္ဃန်းကျွန်းကနေ ကျောင်းပြောင်းလာပီး ပထမဆုံး ကျနော် ကျောင်းစတက် ရမဲ့ နေ့မှာပါ။ ဖြစ်ချင်တော့ ဒီကောင်ကလည်း ကျောင်းပြောင်းလာတဲ့ ကျောင်းသားသစ် အဲလိုနဲ့ ကျနော်တို့ တူတူထိုင်ဖြစ်ရင်း ခင်ခဲ့ကြတယ်ပေါ့။ အဲ အဲ့ဒီကနေ စလို့ အတူတူထိုင်လိုက်တာဟာ ကျနော်တို့ တက္ကသိုလ်ကျောင်း နောက်ဆုံးနှစ်ထိပါပဲ။ နောက် ဒီကောင့် အိမ်နဲ့ ကျနော့်အိမ်က ရှေ့နောက် ကပ်နေတာဆိုတော့ သူ့အိမ်ဟာ ကျနော့်အိမ် ကျနော့်အိမ်ဟာ သူအိမ်ကို ဖြစ်နေတော့တာပါပဲ။ တခါတရံ ကျနော်က ဒိကောင့် မိသားစုနဲ့ ထမင်းစားနေချိန်မှာ ဒီကောင်က ကျနော့်အိမ်က ထမင်းစားဝိုင်းမှာ ခပ်တည်တည်နဲ့ မျိုဆို့နေတတ်ပါတယ်။ ဘောလုံးကန်လည်း တူတူ၊ ကျူရှင် သင်တန်း တက်လည်းတူတူ စာကျက်တော့လည်း တူတူ ဘယ်တော့ဖြစ်ဖြစ် တတွဲတွဲ တွေ့ရတတ်တာကြောင့် သူငယ်ချင်းတွေကြားထဲမှာ ကျနော်တို့ ၂ယောက်ဟာ ဖြူမဲ ညီနောင်ရယ်ဆိုပီး နာမည်တွင်ခဲ့ပါတယ်။ မှတ်မိသလောက် ကျနော်တို့ ခုနစ်တန်း အရွယ်မှာ အိမ်က ကုက္ကိုင်း ရေကူးကန်ကို ရေကူးသင်ဖို့ လွှတ်ခဲ့ပါတယ်။ အိမ်က ပထမအပတ်လောက်ပဲ လိုက်ပို့ကာ နောက်ရက်တွေ တက္ကစီနဲ့ပဲ လွှတ်ပါတော့တယ်။ တနေ့ ကျနော်တို့ ရေကူးသင်ရင်း ရေနစ်လို့ ၂ယောက်လုံး ကြောက်ပီး နောက်နေ့တွေ သင်တန်း မသွားတော့ပဲ ဂိမ်းဆိုင်မှာသာ အချိန်ဖြုန်းပီး အချိန်တန်မှ အိမ်ပြန်ခဲ့ ကြပါတယ်။ ခပ်တည်တည်ပဲပေါ့ အဲ သင်တန်းပီးတော့ သင်တန်းဆင်း လက်မှတ် ပေးပွဲကြီးက တီဗီမှာလာတော့မှ ကျနော်တို့မှာ အဆူခံ ရပါတော့တယ်။ ဒါပေမဲ့ နောက်ပိုင်းမှာ ကျနော်တို့ ၂ယောက်လုံး သူငယ်ချင်းတွေ ကောင်းမှုနဲ့ ရေမကြောက်တော့ပဲ ကျွမ်းကျွမ်း ကျင်ကျင် ကူးတတ်တဲ့ အဆင့်ထိ ရောက်သွားပါတယ်။ အဲ့အရွယ်ထဲက ကျနော်တို့က အဲ့လိုပါ။

ကိတ်စတော်တော်များများကို ဒီကောင်မပါပဲ ကျနော်မလုပ်တတ်သလို သူကလည်း ကျနော့ကို မတိုင်ပင်ပဲ မလုပ်တတ်ပါဘူး အနည်းဆုံး အသိတော့ ပေးကြပါတယ် ဘယ်ခြေလှမ်းမယ်ဆိုတာကိုပေါ့။ ကျနော်တို့ မိုးတွေသိပ်သည်းတဲ့ ညလိုမျိုးမှာ လမ်းထွက်လျှောက်ဖူးတယ်၊ ကောင်မလေး တယောက်ကို ၂ ယောက် အတူတူ ကြိုက်ခဲ့ဖူးတယ် (နောက်တော့လည်း ဟုတ်တာမဟုတ်ပါဘူး)၊ ဗိုလ်တထောင် ဆိပ်ကမ်းမှာ ညကြီးသန်းခေါင် ဂစ်တာထိုင်တီးခဲ့ကြဖူးတယ်၊ ဒီကောင် အရူးထတာ မနက်လေးနာရီလောက်ကြီး ကျနော့်ကို နှိုးပီး သူကြိုက်နေတဲ့ ကောင်မလေး အိမ်ကို ပန်းသွားချိတ်ချင်တယ် ဆိုလို့ ကျနော် လိုက်ပေးခဲ့ရဖူးတယ်၊ ကျနော် အိမ်က ခိုးလစ်ပီး ခရီးတယောက်တည်း သွားမယ်ဆိုတော့ ဒီကောင်က အဖော်လိုက်ပေးခဲ့ဖူးတယ်၊ ကျနော်တို့ အိမ်တွေ ပြသနာ ကြုံရတိုင်း ခေါင်းချင်းဆိုင်ဖြေရှင်း ကြတာ ကျနော်တို့ ၂ယောက်ပါပဲ၊ ကျနော်တို့ အတူဖြတ်သန်းလာတဲ့ အချိန်က များလွန်းပါတယ် ဒါကြောင့်တယောက်နဲ့ တယောက် ဘာလုပ်ချင်တယ်ဆိုတာ နားလည်မှု အရမ်းရှိပါတယ်။

ကျနော် သင်္ဘောတက်လာတော့ ဒီကောင်က အင်ဂျင်ဘက် ရွေးတာမို့ ဒေါက်ဆင်းရင်း ကျန်ခဲ့ပေမဲ့ အရင်လိုပဲ ကျနော့်အိမ်မှာ မေမေလိုသမျှကို ကူညီ လုပ်ကိုင်ပေးနေပါတယ်။ ကျနော့်ကို လေယာဉ်ကွင်း လိုက်ပို့တုန်းက ဒီကောင် မျက်ရည်ဝဲပီး ပြောခဲ့တာကို အမှတ်ရပါသေးတယ် ငါတို့ ၂ယောက် ဘယ်တုန်းကမှ ဒီလောက် အကြာကြီး မခွဲခဲ့ကြဖူးဘူး ငါတို့ ငယ်ငယ်တုန်းက အချိန်တွေကို ပြန်ရချင်တယ်ကွာ တဲ့ ကျနော် တချက်ပြုံးပီး ငပေါ လို့သာ ပြောနိုင်ပါတယ် ကျနော်ကိုယ်တိုင်လည်း စိတ်ထဲက ဒီကောင့်လို ပြောမိနေလို့ပါပဲ။ ခုတော့ ဒီကောင်က ရည်းစားတွေ ဘာတွေရလို့ အိုကေနေပီတဲ့ ကျနော့ကို ဒီကောင်ကြောသွားပီပေါ့ အဟင်းဟင်း (သတိထားစေချင်ပါသည်) ဘာပဲဖြစ်ဖြစ် ပြန်မဲ့အချိန်ကျရင်တော့ ၂ယောက်လုံး နည်းနည်းပါးပါး သောက်တတ် နေကြပီမို့ သွားစရာ နေရာတနေရာ တိုးဦးမည် ဟု တွေးရင် ချီးကြောင် အကြောင်း ဒီမှာပဲ ရပ်ပါရစေ။ တခြား ချစ်သယ်ချင်းတွေအကြောင်းကိုလည်း အလျဉ်းသင့်သလို တင်ပါဦးမည်။

ဆန္ဒ

2008-10-18T02:37:00.004+08:00

ရောင်စုံခြယ်ထားတဲ့
ပန်းခင်းကြီးကို ငေးကြည့်ရင်း
ငါဟာ ဥယျာဉ်မှူး တယောက် ဖြစ်ချင်ခဲ့ဖူးတယ်။

ကမ္ဘာကျော်ပုဂ္ဂိုလ် တွေရဲ့
အောင်မြင် ကျော်ကြားမှုတွေကို ကြည့်ရင်း
ငါဟာ ကမ္ဘာကျော် တယောက်ဖြစ်ချင်ခဲ့ဖူးတယ်။

အကွေ့အကောက်များတဲ့
လောကကြီးကို ဖြတ်သန်းရတိုင်း
ဖြူစင်တဲ့ ကလေးငယ်တယောက်ရဲ့ ဘ၀မျိုး
ပြန်လည် ရချင်ခဲ့ဖူးတယ်။

ချစ်သူရဲ့ အပြုံးမျက်နှာကို
ခပ်ဝေးဝေးက ငေးကြည့်ရင်း ကျေနပ်ခဲ့ဖူးသလို
သူမမျက်နှာ မှိုင်နေချိန်မှာတော့
အပြုံးတွေ ပြန်လည်ထုဆစ်ပေးဖို့ ငါ့လက်တစုံကို
အသုံးတော်ခံ ချင်ခဲ့ဖူးတယ်။

ဒါတွေဟာ ...
တကယ်တော့ ... တကယ်တော့ ...
ငါရဲ့ စိတ္တဇဆန်ဆန် စိတ်ကူးယဉ်မှုတွေပါပဲ
ဒါတွေကို ဖယ်ပြီး ငါ့ဘ၀ရဲ့ ပုစ္ဆာတွေကို အဖြေထုတ်တော့
အသိဥာဏ်က မီးမောင်းထိုးပြလိုက်တယ်
မင်းဟာ စိတ်ကူးယဉ်သာ ဆန်တတ်တဲ့
အကြွင်းမရှိ အညံ့စားကောင် တဲ့ ။
ငါရယ်သံတွေ ခြောက်ကပ်နေမလား မသိ။

ဗရုတ်သုတ်ခအကျဆုံး နေ့တနေ့

2008-10-17T03:06:00.002+08:00

မျက်လုံးကို အသာဖွင့်ကာ ညင်ညင်သာသာပဲ ကျနော်နိုးထခဲ့ပါတယ်။ တခန်းလုံး အမှောင်ကျနေလို့ ဘေးက Alarm ပေးထားတဲ့နာရီရဲ့ မီးကို အားပြုကာ အချိန်ကို ကြည့်တော့ 7:30 Pm ။ စိတ်ထဲက အမယ် ငါ တယ် မဆိုးပါလားလို့ ကိုယ့်ဟာကို ကျိတ်ချီးကျူးလိုက်မိတယ်။ ဟုတ်သည် ဒီရက်ပိုင်း အိမ်က ပို့ပေးတဲ့ တရုတ်သိုင်းကားတွေ ကြည့်ပီး လူက အလုပ်ဝင်ခါနီး နာရီဝက်လောက်လိုမှ နိုး အသည်းအသန်လုပ်က အလုပ်ဝင်နေရတာ ရက်က ကြာလာပီ။ သိုင်းကျမ်းကလည်း ရှည်လှသည် နေ့လည် သုံးလေးနာရီထိ ကြည့်တာတောင် မပီးနိုင်သေး မင်းသားက အခုမှ ချောက်ထဲကျကာ သိုင်းကျမ်းရတုန်း အဲလေ ယောင်ကုန်ပီ လုပ်စရာရှိတာ လုပ်မှပါ ဟုတွေးကာ အိပ်ယာ လိုက်ကာကို အသာဖွင့်ပီး ဘေးကို ကြည့်တော့ သကောင့်သား အခန်းဖော် သူငယ်ချင်းက အိပ်နေပီ။ အင်းလေ ပင်ပမ်းလို့ ထင်ပါရဲ့ လို့ တွေးလိုက်မိတယ်။ ကိုယ်တိုင်လည်း တခါတလေ အလုပ်ပိတဲ့ နေ့ဆို အခန်းပြန်ရောက်တာနဲ့ အ၀တ်တောင် မလဲ နိုင်ပဲ တန်းမှောက် လိုက်တာနဲ့ အိပ်ပျော်သွားတတ်တာကိုး။ ကဲ ထားပါလေ ဆိုပီး အိပ်ယာပေါ်မှ ကုန်းရုန်းထကာ အင်း စောသေး တာပဲ အလုပ်ဝင်ရမှာက 9:00 Pm ဆိုတော့ ကွန်ပျူတာလေး ဖွင့်ပီး ဘလော့လေးကို ကြည့် ချတ်ရွမ်းထဲလည်း နည်းနည်းပါးပါး ၀င်ပွားဦးမှ ဆိုတဲ့ အကြံနဲ့ ကွန်ပျူတာရှေ့ ထိုင်လိုက်မိတယ်။ ကျနော့လိုပဲ အိပ်မှုန်စုံဝါး နဲ့ နိုးထလာတဲ့ ကွန်ပျူတာလေးကို ကြည်ကြည်နူးနူး ကြည့်ရင်းနဲ့က ကွန်ပျူတာ စကရင်မ်ရဲ့ နာရီဒိုင်ခွက်က တိုင်မင် မကိုက်ပဲ မျက်လုံးထဲ ၀င်လာတော့ မြင်လိုက်ရတာက 8:55 Pm .. OMG .. ဘယ်လိုဖြစ်တာလဲ ဟု တွေးကာ ခေါင်းပေါ်က တိုင်ကပ် နာရီကို ကြည့်တော့ သေချာသမှ နာရီလက်တံက 8:55 ကို ပြနေသည်။ မယုံနိုင်သဖြင့် ခေါင်းအုံးဘေးမှာ ထားသော အလမ်းပေးထားသည့် နာရီကို ပြန်ကြည့်တော့ ခုထိ 7:30 သွားပီ ဓာတ်ခဲ ကုန်နေပီ ဖုံးအလမ်းကို ကြည့်တော့ ဘယ်အချိန်ထဲက အားကုန်နေသည်မသိ ပိတ်လို့နေသည်။ ဆက်မတွေးနိုင်အားတော့ အလုပ်ဝင်ရန် လေးမိနစ်သာ လိုတော့သည် ဆိုတဲ့ အသိက နားထင်ကို ၀ုန်းခနဲ ပြေးဆောင့်သည်။

မျက်နှာကို ကမန်းကတမ်း သစ် သွားပင်မတိုက်အား အသင့်ချိတ်ထားတဲ့ ဂျူတီဝတ်စုံကို အသည်းအသန်ကောက် စွပ်ကာ ပြေးရသည်။ ကြောင်လျှာသီးကို လမ်းသွားရင် တည့်သည် မတည့်သည် မသိ ကောက်စွပ်ကာ ဘိုသီ ဘတ်သီဖြင့် တန်းနေအောင် ပြေးရသည်။ လမ်းတလျှောက် ကြည့်ကြတဲ့ လူတွေက မနည်း ဂရုမစိုက်နိုင်အား Time Card ရိုက်သည့်နေရာကို ရောက်ကာ ကဒ်ယူလိုက်တော့ 9:02 Pm။ သေသာ သေလိုက်ချင်တော့သည် ဟု ကိုယ့်ကိုယ်ကို ကျိန်ဆဲကာ အထဲ ၀င်သွားတော့ တဌာနတည်း ဘော်ဒါတွေက Dream Walking လားတဲ့ ပုံမှန် အနေအထားဆို ပြန်ပြောမိမှာ သေချာပေမဲ့ အခု ကိုယ်က နောက်ကျနေတော့ အတတ်နိုင်ဆုံး စပ်ဖြဲဖြဲ လုပ်ထားရသည်။ သိပ်မကြာ HOD ခေါ်ရာ ရုံးခန်းထဲသို့ လိုက်သွားကာ အဆူခံရတော့သည် ကံကောင်းသည် ဒီအပြစ်က ကံကောင်းလျှင် Warning Letter လောက်နဲ့ ပီးနိုင်သလို ကံဆိုးရင် Bonus Deduction ထိ ရနိုင်သည် HOD စိတ်ကောင်းဝင်နေချိန်မို့ထင့် နောက် ၂ နှစ်ကျော်အတွင်း ဘာအပြစ်မှ မရှိတာ တို့ကို ထောက်ကာ နောက်မဖြစ်စေနှင့်ဟု ဆိုကာ ရေချိုးချိန်ပြန်ပေးတော့မှ ချိုးရတော့သည်။ စိတ်ထဲမှတော့ တရုတ်မင်းသား နဲ့ နာရီကို ကျိန်ဆဲနေမိသည်။

ထိုနေ့က ခရီးသည်များ သဖြင့် ကာစီနိုထဲ လူရှုပ်ကာ အားလုံး အလုပ်များနေကြသည်။ ကျနော့် ထမင်းစားချိန်က ထမင်းစားခန်းမပိတ်မှီ ငါးမိနစ် အလိုလေး ဖြစ်သဖြင့် ဘရိတ်ခ်ရတော့ အသည်းအသန် ပြေးရသည်။ ကိုယ်ရွှေ ၀ိတ်တာတွေက ၀ီရိယကောင်းကာ စောသိမ်းလျှင် ငတ်နိုင်သည်လေ။ ဟိုရောက်တော့ ဟင်းဘန်းတွေမြင်မှ စိတ်အေးသွားကာ ရင်ထဲက အလုံးက ၀ုန်းဆို ကျသွားသည်။ ငါမငတ်တော့ဘူးပေါ့ :D ။ ထုံးစံအတိုင်း စားစရာ မရှိပေမဲ့ အဆင်ပြေနိုင်တာလေးတွေ ရွေးထည့်ကာ စားပွဲဆီသို့ အလျှင်စလိုသွားမိလိုက်တော့ အဲ့မှာ တွေ့ပီပေါ့ အဲ့မှာ တွေ့တာ ဘင်လာဒင်နဲ့ ချောစုခင် စတွေ့တာ ( ပထမတော့ ဘာမှန်းမသိ ကလေးတွေပြောနေကြတာ လိုက်ယောင်တာ နောက်တော့ သေချာမေးကြည့်တော့မှ ကိုကြီးကလည်း ဘင်လာဒင်က မုတ်ဆိတ် မများဘူးလား တဲ့ အင်း များတယ်လေ ချောစုခင်က သွားမခေါဘူးလားတဲ့ အင်း ခေါတယ်လေ ဆိုတော့ အင်းပေါ့ သူတို့ ၂ ယောက်တွေ့တော့ ညိတာပေါ့တဲ့ ကောင်းလေစွ လို့ တမိကာာ သဘောကျသွားတော့သည် မသိသူများ မှတ်လော့) စကားတောင် ဘယ်ရောက် သွားမှန်းမသိ သူတို့ရှုပ်တာနဲ့ .. အဲ အလျှင်စလိုသွား လိုက်တော့ ဘယ်သူ မှောက်ထားမှန်းမသိတဲ့ ရေတွေကို တက်နင်းမိကာ လူက ဟိုဘက်လဲမလို ဒီဘက်လဲမလို နဲ့ အနိုင်အနိုင်ထိမ်းရင်းက လက်ထဲက စားတော်ခွက် အဲလေ ပန်းကန်က ကျကာ ကွဲသွားတော့သည်။ ဟင်င် ရယ်လို့ တကာ မှင်သေသွားမိသည် သူများတွေ ၀ိုင်းကြည့်တာကို ဂရုမစိုက်အား ဘာလို့ဆိုတော့ ၀ိတ်တာ တယောက်နဲ့ ကျနော်တို့ အလောင်းအစားလုပ်ကာ ဒီပန်းကန်တွေက ဂျာမနီက ပန်းကန်တွေ တော်ရုံကျရုံ နဲ့ မကွဲဟုဆိုတာကို ကျနော်တို့က လက်မခံနိုင်ပဲ လောင်းစား လုပ်ကာ သူတလှည့်ကိုယ်တလှည့် ချခွဲခဲ့သည် ပန်းကန်တွေ အဲ့တုန်းက ဘုရားစူး မကွဲခဲ့တဲ့ ပန်းကန်တွေ ခု ကိုယ့်လက်ထဲကျတော့ ကွဲသွားပီ။ အောင့်သက်သက်နဲ့ Restaurant Supervisor ပြောတာကို ခံပီး စားလည်းမ၀င်တော့ ပြန်ဆင်းလာရသည်။ တနေကုန်တော့ ဘာဆာသလဲ မမေးနဲ့တော့။ မနက်စောစောမှသာ ပေါင်းကာ ကျိတ်ရတော့သည်။ အလုပ်ထဲတွင်လည်း တောက်လျှောက် အဆင်မပြေလိုက်တာဆိုတာ အဲ့ဒီတော့မှ အော် ပြသဒါးနေ့ဆိုတာ ဒီလိုနေ့မျိုးထင်ပါ့ဟု ကောက်ချက် ချမိတော့သည်။ အလုပ်ထွက်လာတော့ ဘေးခန်းမှ သူငယ်ချင်းက သူကြည့် နေသည့် ကိုးရီးယားကား ပီးပီတဲ့ မင်းယူထားလိုက် ဇာတ်လမ်းလေးက ကောင်းချက်ကွာ မင်းသမီးကလည်း ချောက ချောဆိုတော့ ဘာပြောကောင်းမလဲဆိုကာ အခွေလာပေးတော့ နေကွာ ဟု ပြောကာ တံခါးဆောင့် ပိတ်လိုက်တော့ ဟိုကောင့်ခမျာ အူလည်လည်နဲ့ ထွက်သွားရရှာတော့သည်။

ကဲ မ၀ါရေ ဒီလောက်နဲ့ပဲ ကျေနပ်ပါတော့နော်။ လွန်ခဲ့တဲ့ ၃ လလောက်က ကြုံခဲ့ရတဲ့ ကျနော့်ရဲ့ နှစ်နှစ် ကျော် အတွင်း ဗရုတ်သုတ်ခ အကျဆုံး နေ့တနေ့ ကို သတိရမိတာနဲ့ ပြန်ဖော်ပြပေးလိုက်ပါတယ်။ နောက်ကျတဲ့ အတွက် ဆောရီးပါ အမ၀ါရေ .. ဆက်ပြီးတော့ ကျနော့် အကြွေးကျန်နေသေးတဲ့ ကိုလင်းထက်ကို ဒီပို့စ်လေးကို သူ့ ပြန် တဂ်လိုက်ပါတယ် (ဟွန့် မှတ်ပီလား တဂ်ချင်ဦး လက်စားချေပလိုက်တာ မှတ်ထား) :D ကိုလင်းထက်ကြီး ရေးပေးပါဥိးလို့။

မှတ်သားဖွယ်ရာ စကားများ

2008-10-14T19:23:00.003+08:00

မှတ်သားဖွယ်ရာစကားများ

သူငယ်ချင်း တစ်ယောက် Forward လုပ်လိုက်တဲ့ Powerpoint File လေးထဲက တန်ဖိုးရှိတဲ့ စကားတွေပါ။ ကျွန်မကို စိတ်ခွန်အားတွေရစေလို့ ဆိုလိုရင်းမပျက်အောင် အတတ်နိုင်ဆုံး ကြိုးစားဘာသာပြန်ပြီး မျှဝေလိုက်ပါတယ်။ မူရင်းရေးသားသူ (တစ်ယောက်ထက်ပိုရင်) အားလုံးကို ကျေးဇူးတင်မိပါတယ်ရှင်။

ကိုယ့်ကိုကိုယ် ဒီကမ္ဘာပေါ်က ဘယ်သူနဲ့မှ နှိုင်းပြီး မယှဉ်ပြိုင်ပါနဲ့။ အဲဒီလို ပြိုင်လိုက်တာဟာ ကိုယ့်ကိုကိုယ် စော်ကားလိုက်တာပါပဲ။
ဘယ်သူမှ သော့တံမရှိတဲ့ သော့ခလောက်ကို မဖန်တီးပါဘူး။ အဲဒီလိုပဲ မြတ်စွာဘုရားကလည်း အဖြေမရှိတဲ့ ပြဿနာကို မပေးပါဘူး။
သင်စိတ်ညစ်နေတဲ့အခါမှာ ဘ၀က သင့်ကိုရယ်တယ်။ သင်ပျော်ရွှင်နေတဲ့အခါမှာ ဘ၀က သင့်ကို ပြုံးပြီးကြည့်တယ်။ သင်သူများတွေကို ပျော်ရွှင်အောင် လုပ်ပေးတဲ့အခါမှာတော့ ဘ၀က သင့်ကို အလေးပြုတယ်။
အောင်မြင်သူတိုင်းမှာ ပင်ပန်းဆင်းရဲတဲ့ ဇာတ်လမ်းတစ်ပုဒ် ရှိဖူးပါတယ်။ ပင်ပန်းဆင်းရဲတဲ့ ဇာတ်လမ်းတိုင်းမှာလည်း အောင်မြင်တဲ့ဇာတ်သိမ်းတစ်ခု ရှိပါတယ်။
လွယ်တာက သူများရဲ့အမှားကို ဝေဖန်အကဲဖြတ်ဖို့ပါ။ ခက်တာကတော့ ကိုယ့်အပြစ်ကို အမှန်အတိုင်း သိမြင်ဖို့ပါ။
ဘယ်သူမှ အတိတ်ကို ပြန်သွားပြီး ဆိုးရွားတဲ့အစကို ပြင်လို့မရပါဘူး။ ဒါပေမယ့် အောင်မြင်တဲ့ အဆုံးသတ်ရဖို့ အခုချက်ချင်း စတင်လှုပ်ရှားတာကိုတော့ လူတိုင်းလုပ်လို့ ရပါတယ်။
ပြဿနာတစ်ခုဟာ ဖြေရှင်းလို့ရနိုင်တာဆိုရင် ဘာမှစိတ်ပူစရာ မလိုပါဘူး။ ဖြေရှင်းလို့ မရနိုင်ဘူး ဆိုရင်လည်း စိတ်ပူနေလို့ ဘာများထူးမှာ မို့လို့လဲ။
အခွင့်အရေးတစ်ခုကို ဆုံးရှုံးလိုက်ရပြီဆိုရင် သင့်မျက်လုံးတွေကို မျက်ရည်တွေနဲ့ ပြည့်မနေပါစေနဲ့။ မျက်ရည်တွေက သင့်ရှေ့က ပိုကောင်းတဲ့ နောက်ထပ်အခွင့်အရေးတစ်ခုကို ကွယ်ပစ်လိုက်ပါလိမ့်မယ်။
မျက်နှာကိုပြုပြင်လိုက်တာ (Changing the face) ဟာ ဘာကိုမှ ပြောင်းလဲစေနိုင်မှာ မဟုတ်ပါဘူး။ ဒါပေမယ့် အပြောင်းအလဲကို ရင်ဆိုင်လိုက်တာ (Facing the change) ကတော့ အရာရာကို ပြောင်းလဲသွားစေနိုင်ပါတယ်။
သူများတွေအကြောင်း မကျေမနပ် ညည်းညူမနေပါနဲ့။ ငြိမ်းချမ်းချင်ရင် ကိုယ့်ကိုကိုယ်ပဲ ပြောင်းလဲပြုပြင်လိုက်ပါ။
အမှားတွေက ဖြစ်ပျက်နေတဲ့အချိန်မှာတော့ နာကျင်ပင်ပန်းစေပါတယ်။ ဒါပေမယ့် နှစ်တွေကြာလာလို့ အဲဒီအမှားတွေ စုပေါင်းလိုက်တဲ့အခါမှာတော့ သင့်ကို အောင်မြင်မှုဆီ ခေါ်ဆောင်သွားမယ့် “အတွေ့အကြုံ”ဆိုတာ ဖြစ်လာပါတယ်။
ကျရှုံးတဲ့အချိန်မှာ ရဲရင့်မှုရှိပါ။ အောင်မြင်တဲ့အချိန်မှာ တည်ငြိမ်မှုရှိပါ။
အပူပေးခံထားရတဲ့ ရွှေတွေဟာ အလှဆင်ပစ္စည်းတွေ ဖြစ်လာပါတယ်။ ပြင်းပြင်းထန်ထန် နန်းဆွဲခံထားရတဲ့ ကြေးတွေဟာ ၀ိုင်ယာကြိုးတွေ ဖြစ်လာပါတယ်။ ထွင်းထုခံထားရတဲ့ ကျောက်တုံးတွေဟာလည်း ရုပ်ထုတွေ ဖြစ်လာပါတယ်။ ဒါကြောင့် သင့်ဘ၀မှာ နာကျင်မှုခံစားရမှုတွေ များလာလေ သင့်ရဲ့တန်ဖိုးတက်လာလေပါပဲ။

ဒီပို့စ်လေးကို အမ လုပ်သူ မရွှေပြည်သူ ဆီက တိုက်ရိုက်ကူးယူထားခြင်းဖြစ်ပါတယ်။ ဒီပို့စ်လေး ဖတ်ပီး အရမ်း ကြိုက်မိသွားတာကြောင့် အမ ရွှေပြည်သူ ဆီက ခွင့်တောင်းပီး တင်ယူထားရတာပါ။ ဒီပို့စ်လေး မြင်တိုင်း ကိုယ့်ဟာ့ကို သတိပေးနေမိအောင်ပါ။ လာလည်တဲ့ သူတွေလည်း အသေအချာလေး ဖတ်စေချင်ပါတယ်။ ဝေမျှ ခွင့်ပေးတဲ့ မရွှေပြည်သူကိုလည်း အထူးကျေးဇူးတင်ကြောင်း ဒီနေရာကနေ ပြောပါရစေ။

ပြန်မှတ်မိသော သီတင်းကျွတ်ညများ

2008-10-14T09:24:00.005+08:00

''ဆီမီးရယ်ထိန် ၊ အိုင်မင်းရေကြည်က .. ၊
ကြာငါးမည် ငုံအာစွင့်တယ်.. ၊ ဖူးပွင့်ချိန်ခါ .. ။
အဿဝဏီ ယှဉ်ကာချဉ်းပါလို့ .. ၊ လင်းလာတဲ့ ငွေတာရိန်ရယ်.. ၊
ပြာမှိန်လျက် မြူချေဆိုင်း .. ။
ဂါရဝေ ၊ သဒ္ဒါခြွေ ကန်တော့ပွဲကိုလ .. ၊
မစဲပေါင် ကုသိုလ်နှိုးကြတယ် .. ၊ မျိုးမြန်မာတိုင်း'' ............ ။

ဗုဒ္ဓမြတ်စွာဘုရားရှင်သည် သတ္တမမြောက်ဝါကို တာဝတိံသာ နတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသော သန္တုဿီတ နတ်သားအားအမှုးပြု၍ စကြ၀ဠာနေရာ အနှံ့ မှ နတ်ဗြဟ္မာ အပေါင်းတို့ အား အဘိဓမ္မာ တရားတော်မြတ်ကို ဟောကြားတော်မူသည် ။သီတင်းကျွတ်လပြည့်နေ့  ရောက်သောအခါ ဘုရားရှင်သည် နတ်ဗြဟ္မာ အပေါင်းခြံရံကာ ရွှေစောင်းတန်း ၊ ငွေစောင်းတန်း ၊ ပတ္တမြားစောင်းတန်း များဖြင့် စီချယ် အပ်သော ရတနာ စောင်းတန်းဖြင့် လူ့ ပြည်ဖြစ်သော သင်္ကဿနဂိုရ် ပြည်သို့ ပြန်လည်ဆင်းသက်ကြွမြန်းတော်မူသည် ။
ထိုအခါ သမယတွင် ပြည်သူပြည်သားအပေါင်းတို့ က မီးရှူး မီးတိုင်များ ၊မီးပန်းများ၊ ဆီမီးများ ၊ဆွမ်းပန်းရေချမ်း များဖြင့် ကပ်လှူပူဇော်ကြသည် ။ တာဝတိံသာနတ်ပြည်ရှိ စူဠာမဏိ စေတီတော်ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့ လွှတ်တင် ပူဇော်ကြသည် ။ထိုကဲ့သို့ ပူဇော်ကြသည်ကို အကြောင်းပြုကာ ယနေ့ ခေတ်အခါတိုင်အောင် မြန်မာတစ်နိုင်ငံလုံး၌ နှစ်စဉ်ကျင်းပပြုလုပ်မြဲ ဖြစ်သည် ။ (ထိုစာသားများကို ကိုနန္ဒ၏ Mail Forward မှ ယူကာ အသုံးပြုထားပါသည်)

အော ဘာလိုလိုနဲ့ သီတင်းတခါကျွတ်လာပြန်ပီ .. ဒီနေရာမှာ အောက်တိုဘာကို ဖြတ်လာတာ သုံးခါ တိတိရှိခဲ့ ပြန်ပီပေါ့ .. အဲဒီလို အခါသမယတွေရောက်တိုင်း ကိုယ့်နေရပ် ကိုယ့်ဌာနီကို သတိရမိတာ တအားပါပဲ ...
မိသားစု၊ သူငယ်ချင်းတွေနဲ့ ဖြတ်သန်းခဲ့ရတဲ့ အချိန်တွေဟာ ဒီအချိန်မှာ ခံစားမှုကို နက်နဲ စေတာပါပဲ ....

ဟိုး ငယ်ငယ်တုန်းကတော့ သီတင်းကျွတ်ပီဆိုရင် ဖေဖေ မေမေ နဲ့ လိုက်ပြီး ကန်တော့ထိုက်တဲ့ သူတွေကိုလိုက် ကန်တော့ ခဲ့တာ မှတ်မိနေပါတယ်။ အဲ့လိုနေ့မျိုးဆို ၀တ်ကောင်းစားလှတွေဝတ် မနက်စောကြီး ရွှေတိဂုံဘုရားကို တက်ဖူး ဘုရားစောင်းမှာ မနက်စာ နန်းကြီးသုပ်စား နောက်တော့ ဖေဖေက သွားချင်တဲ့ နေရာမှန်သမျှ တနေကုန် လိုက်ပို့ပါတယ် လျှောက်လည် ရုပ်ရှင်ကြည့်ပေါ့ ... ညပိုင်းကျတော့ ဘိုးဘိုး၊ ဘွားဘွား၊ ဦးလေး အဒေါ်တွေကို လိုက်ကန်တော့ မုန့်ဖိုးတွေရ ပွဲဈေး လျှောက်လည် မုန့်စားနဲ့ ပျော်စရာ သိပ်ကောင်းခဲ့ပါတယ်။

အသက်အရွယ်လေး ရလာတော့ အိမ်နဲ့မသွားတော့ဘူး။ အမေနဲ့ အဖေကတော့ တနေကုန် ဘုန်းကြီးကျောင်း မှာသာ ဥပုသ်ယူရင်း အချိန်ကုန်စေတော့တယ်။ သူငယ်ချင်းတွေနဲ့ မနက်ဆို ဘုရားတက်တယ် အင်းကျီ အဖြူ ယောပုဆိုးလေးတွေနဲ့ တူညီပေါ့။ အဲ ကားထဲမှာတော့ အိတ်တွေနဲ့ ထုပ်ထားတယ် ဘောင်းဘီတွေ တီရှပ်တွေ ပါတယ်ခင်ဗျ ;D။ ပီးတာနဲ့ ကဲကြမယ်ဆိုတဲ့ အကြံနဲ့လေ။ ဘုရားဖူးပီး ပြန်လာပီ ဆိုတာနဲ့ တနေကုန် တနေကမ်း လျှောက်အလေလိုက်တော့ တာပါပဲ။ ညနေရောက်တော့ အိမ်မှာ မီးပုံးတွေ တပ် မီးပူဇော်၊ အိမ်ရှေ့ကကျောက်ခက် ပင်တွေမှာ မီးအလှ လိုက်ဆင် နဲ့ အချိန်ကုန်စေတော့တာပါပဲ။ အားလုံးပီးပီ ဆိုရင် ဒန်းလေးပေါ် ထိုင်ပီး ထိန်ထိန်သာနေတဲ့ လကြီးကို ငေးရင် တယောက်တည်း စိတ်ကူးယဉ်၊ စိတ်ပေါက်ရင် ဂစ်တာ ထတီး နဲ့ အဲလိုညမျိုးကို မအိပ်ပဲ ကုန်ဆုံးစေခဲ့ဖူးပါတယ်။

နောက် ကျနော်တို့က ပုဇွန်တောင်သားတွေဆိုတော့ ပုဇွန်တောင် သီတင်းကျွတ် ပွဲဈေးဆိုတာ နာမည် ကြီးပဲလေ တအားစည်တာ ရောက်ဖူးသူတွေ သိကြမှာပါ။ ဈေးသည်တွေ အစီအရီ ကစားနည်းတွေမျိုးစုံနဲ့ သိပ်စည်တဲ့ ပွဲဈေးတခုပါ။ ဆယ်တန်းပီးတော့ မှတ်မှတ်ရရ သူငယ်ချင်းတွေ စုပီး ပွဲဈေးမှာ ဈေးဆိုင် ဖွင့်မယ် ဆိုပီး စပ်ဆော့ကြတယ်။ အဲလိုနဲ့ စလိုက်တာဟာ တကယ်တမ်းလိုက်လုပ်တော့ မပီးတော့ပါဘူး ဈေးဆိုင်အတွက် နေရာယူရ၊ မြို့နယ်ရုံးပေါင်းစုံ သွားရ ခံဝန်ကတိတွေ များစွာ ထိုးရနဲ့ ငါးယောက်လုံး ကိုယ့်ဟာနဲ့ကိုယ် အလုပ်ရှုပ်ကုန်ပါတယ်။ အားလုံးပီးတော့ ဆိုင်ဖွင့်တာဟုတ်ပါပီ ဘာရောင်းမှာတုန်း ဆိုတော့ ၀ိုင်းစဉ်းစားရင်း Burger, Snack & Soft Drink ဆိုင်လေး ဖြစ်သွားတယ်။ နီးစပ်ရာ အသိုင်းအ၀ိုင်းကို လက်မှတ်တွေ ၀ယ်ချင်လည်းရောင်း မ၀ယ်ချင်လည်း ရောင်းနဲ့ ရှိသမျှ ကူပွန်တွေ ကုန်သွားတယ်ပေါ့ ;D ။ ကိုယ့်ဟာကို decorate လုပ်ထားတဲ့ ဆိုင်လေးကို တကယ်ဖွင့်တော့မဲ့ အဖိတ်နေ့ ညနေမှာ ကြည့်ရင်း ကြည်နူးနေကြမိတယ်။ ဒီဆိုင်လေးအတွက် ပေးထားရတဲ့ အချိန်က နည်းမှ မနည်းပဲကိုး။ တကယ်လည်း အလုပ်စရော မှာထားတဲ့ အော်ဒါတွေက တော်တော်နဲ့ မရောက်နိုင်ဖြစ်ပီး ဆိုင်က ကိုးနာရီလောက်မှ စဖွင့် နိုင်တော့တယ် ရောက်နေတဲ့ သူငယ်ချင်းတွေကို အားနာပါးနာနဲ့ လျှောက်ကြည့်ခိုင်းထားရတယ်။ အားလုံးစုံပီ ဆိုတော့မှ ကိုယ်တွေပဲ စားပွဲထိုး၊ ကိုယ်တွေပဲ ဧည့်ကြို၊ ကိုယ်တွေပဲ ဒီဂျေ ပေါ့ တယောက်တလက်နဲ့ လုပ်လိုက်ကြတာ ပင်ပမ်းလို့ ပင်ပမ်းမှန်းတောင် မသိရပါဘူး။ ဒီကြားထဲ ကိုယ်တွေလိုပဲ ဆိုင်ဖွင့်တဲ့ လသာ ဘက် သူငယ်ချင်းတွေကလည်း ဖိတ်ထားတာမို့ သူတို့ဆီလည်း ၂ယောက်လောက်ကို လွှတ်ရသေးတယ်။ မနက်ကျတော့လည်း မနားရ တယောက်က ဆိုင်စောင့် ထားရတယ် ဆိုင်မှာပဲနေပေါ့ ဒီပွဲတော်ရက်ကတော့ အဲလို စီစဉ်ထားတာ တကယ်တမ်းလည်းကျရော တယောက်တည်း မထားရက်တာနဲ့ ငါးယောက်လုံး ဆိုင်မှာပဲ နေကြ ထမင်းစားတဲ့အချိန်လောက်ပဲ အိမ်ကို ခဏပြန်ကြတယ် အိမ်တွေကလည်း တော်တော် မျက်စိ စပါးမွှေး ဆူးနေကြပီ အဟိ။ ပွဲတော်ရက်ပီးလို့ အားလုံးပြန်ချုပ်ကြတော့ နဂိုက မှန်းထားတဲ့အတိုင်း အရှုံးက ပေါ်နေတော့ သိပ်မထူးဆန်းတော့ပါဘူး စလုပ်တည်းက ကျနော်တို့ မြတ်ချင်လို့ လုပ်ခဲ့တာမှ မဟုတ်တာ ကျနော်တို့ သူငယ်ချင်းတွေရဲ့ စည်းလုံးမှု အတွေ့အကြုံ တွေကို လိုချင်လို့ လုပ်ခဲ့တာဖြစ်လို့ ကျနော်တို့ ပျော်ပျော်နဲ့ပဲ ပြီးခဲ့ကြပါတယ်။

ခုနှစ်တွေမှာတော့ ပုဇွန်တောင်ဟာလည်း ပျော်စရာမကောင်းတော့ပါဘူး။ သီတင်းကျွတ်ဆိုရင်လည်း ဘာမှန်း မသိပဲ ပြီးပြီးသွားတတ်တယ်။ အရင်လို ပျော်ပွဲ ရွှင်ပွဲ လုပ်ခွင့်မပေးတော့ဘူး ဘာကြောင့်မှန်းတော့ မသိဘူးပေါ့ နော်။ ကျနော်ကတော့ ကျနော်ဖြတ်သန်းခဲ့တဲ့ နှစ်တွေကို ပဲ သတိရနေတယ်။ ဟော အခု တခါရောက်လာပြန်ပီ ဒီနေ့ ဘာမှ ထွေထွေထူးထူး မလုပ်နိုင်တော့ သက်သက်လွတ်လောက်တော့ ဖြစ်အောင်စားမယ် ဆုံးဖြတ်ပီး သီတင်းကျွတ်လပြည့် နေ့ကို တယောက်တည်း ဖြတ်သန်းခဲ့ပါတော့တယ်။

စမ်းသပ်ခြင်း

2008-10-08T22:39:00.008+08:00

ညီလေး မိုးသောက်ယံ က စာလုံးတွေ ကြီးလို့မရ ကြီးလိုက်ပြန်ရင်လဲ လိုင်းတွေ ပူးပြီးကပ်သွားတယ် ဆိုလို့ ဒီစာလေး တွေ ကို ရိုက်ပြီး စမ်းကြည့်လိုက်ပါတယ် အဆင် ပြေလား မသိဘူး လာရောက် လည်ပတ်သူများ ဝေဖန် ပေးကြပါအုံး ခင်ဗျာ...။

အကိုကြီးလင်းထက်

ဖြစ်သလိုပဲ စားလိုက်တယ် :(

2008-10-07T11:34:00.003+08:00

အမ လုပ်တဲ့သူ မ၀ါက တက်ဂ်လာပြန်တော့ အဟင်း ရေးရဦးမှာပေါ့။ အို .. ဘယ်လို .. ဘယ့်နှယ် .. ခေါင်းစဉ်က ဖြစ်သလိုလေးပဲ စားလိုက်ပါတယ်တဲ့။ အဟဲ တွေ့ကြပီပေါ့ ... မိုးသောက်ယံတို့ လာလည်ပတ်တဲ့ လူအပေါင်း စိတ်ဆင်းရဲ ရလောက်အောင် ငိုပြရဦးတော့ မှာပေါ့ အဟင်း အဟင်း .. (ရင်းနှီးတဲ့သူတွေကတော့ ဒီလိုရီရင် ခပ်ဝေးဝေးက ရှောင်ကြတယ်ဗျ :D)

သင်္ဘောပေါ် နေတဲ့ လူကို ဒါမျိုး လာတဂ်တော့ ပြောပြ ရမှာ ပေါ့ဗျာ။ သင်္ဘောသား ဆိုရင် နဂိုတည်းက အစား အသောက်က မကောင်းတတ်တာ ကြားဖူးနားဝ ရှိဖူးကြမှာပါ။ ကျနော်ကိုယ်တိုင်လဲ သင်္ဘောပေါ် မရောက်ခင် တည်း က ဒီလို ကြားဖူးခဲ့ပါတယ်။ အမယ် ငါက ဂျေးများတဲ့ သူမှ မဟုတ်တာ ဖြစ်သလို စားတတ်တာပဲ။ ဘယ်လောက်များ ဆိုးမှာမို့လဲပေါ့။ တကယ့်တကယ် နဖူးတွေ့ ဒူးတွေ့ တွေ့တဲ့ အခါမှသာ အမေရေ လို့ ငိုမိတော့တာပါပဲ။ စတက်ခါစကတော့ အမယ်လေး ကောင်းလိုက်တဲ့ အစားအသောက်တွေပေါ့ လက်ရာသစ်ကိုး နောက်တလ လောက်နေတော့လည်း ဟင်င် ဒီဟင်းတွေပဲ ၁ နှစ်ကျော်လာတော့လည်း အလို ဒီဟင်းတွေပဲလား ခု ၂ နှစ်ကျော် သုံးနှစ်တည်းရောက်လာတော့ ကြည့်မနေပါနဲ့ကွာ မနေ့ကဟင်းပါပဲလို့ ညည်းယူရလောက် အောင် တော်တော့ကို အခြေအနေဆိုးတာပါ။ ဗမာ chef တွေရှိပါရဲ့ ဟင်းတွေကတော့ စားမကောင်း ...... (စေတနာမပါလို့ နေမယ်ထင်တာပဲနော့)။ တခြားလူမျိုးတွေအစာ စားကြည့်တော့လည်း အာမတွေ့လှ။ အမယ် သူတို့ဘာသာ ချက်စားတဲ့ ဟင်းဝိုင်းနဲ့ တိုးလို့ကတော့ ကံထူးတဲ့လူရယ်လို့ သတ်မှတ်ကြပါတယ်။ ဘာလို့တုန်း ဆိုတော့ ကောင်းလိုက်တာမှ တကယ့် ရွှေလက်ရာ တကယ့် အိမ်ဟင်းရယ်လို့ ပြောထွက်ရ လောက်အောင် လက်ရာကောင်းပါတယ်။ သဘောပေါက်လိုက်ပါတယ် အများချကျွေးတာ ဘာလို့ မကောင်းလဲ ဟင်လို့ မေးလိုက်ရင် ကိုယ့်ရှေ့က ဟင်းခွက်လေး ပျောက်သွားမှာစိုးလို့ မမေးရဲပါဘူး။

အဲဒိတော့ကာ ကျနော်တို့အတွက် စားချင်ရင် ဒီသင်္ဘောပေါ် တက်လာမဲ့သူကို မျှော်ရပါတယ်။ အဲ ရှိလာပီဟဲ့ ဆိုရင် အိမ်ကို ဖုန်းဆက် အမေရေ ဒါလေးတော့ လုပ်ပါဦး ဘာဦး နဲ့ မှာရတော့ တာပါပဲ။ အဲလို လူကြုံ ပါလာပီ ဆိုမှ ကိုယ့်ဆီကဟာ သူ့ဆီကဟာရယ်လို့ လဲလှယ်ပီး အလွမ်းဖြေရပါတယ်။ ပုံမှန် တက်မဲ့ လူမရှိလို့ကတော့ ထုံစံအတိုင်း Cafeteria သွားပီး ဘာဟင်းလေးများ ချမလဲရယ် .. ဒီနေ့တော့ ဟင်းကောင်းတန်ပါရဲ့ .. အင်း .. မနေ့ကတော့ မကောင်းဘူး ဒီနေ့သေချာတယ် ကောင်းရမယ်လို့ လောင်းကာရယ် .. သွားကြ နောက်တော့ ဟင်င်င် ဒါပဲဟ ဆိုကာ ရေနဲ့မျှော။ တခါတလေ ခေါက်ဆွဲဘူးတွေ ပါကင်လိုက် ၀ယ်ထားကာ မနက် ခေါက်ဆွဲ ညခေါက်ဆွဲနဲ့ ပီးခဲ့ရတဲ့ နေ့တွေဟာ ခုဆို လူက ခေါက်ဆွဲဖောတောင် ဖောနေရောပေါ့။ (ဘ၀က ဆိုးတယ် နော် အဟွင့် အဟွင့်)။

ကဲ ဖြစ်သလို စားရတယ်ဆိုတာ အဲလိုပါပဲဗျာ။ မ၀ါ တဂ်လို့ ရေးလိုက်ပါပီ။ ခု ရေးနေတာတောင် ခေါက်ဆွဲဘူး လေးနဲ့ဗျ။ :P နောက် ဆက်တဂ်ချင်တဲ့သူတွေကတော့ ပီးနတ်ငယ် နဲ့ ကောင်မလေး ပါပဲ ရေးပေးကြပါဦးလို့။

အဖေ့ ထံသို့ ....

2008-10-07T10:36:00.008+08:00

သို့
ဖေဖေ .. ဘာလိုလိုနဲ့ ကိုးနှစ်တောင် ရှိခဲ့ပီနော်။ ဖေဖေ သားတို့ကို စွန့်ခွာပီး အဝေးကို ထွက်သွားခဲ့တာ ကိုးနှစ်တောင် ရှိခဲ့ပီပေါ့။ အချိန်တွေ အကုန်မြန်လိုက်တာ ဖေဖေရယ် ကိုးနှစ်ဆိုတာ သားမျက်လုံးထဲမယ် မနေ့ တနေ့ကလိုပါပဲ။ ခုထက်ထိ ဖေဖေ့ ဈာပန အခမ်းအနားကို မေ့မရနိုင်သေးပါဘူး။ မေမေ့ မျက်ရည်တွေ၊ ညီလေး ၂ ယောက်ရဲ့ မျက်ရည်တွေ ဒါတွေကို မြင်ပီး သားရဲ့ရင်ထဲက ဆုံးရှုံးမှုက ဘာနဲ့မှ အစားထိုးမရခဲ့ပါဘူး။ အဲ့ဒီတုန်းက သားတယောက်ပဲ မျက်ရည် မကျခဲ့ဘူးနော်။ ဒါကို ဖေဖေ အပြစ်တင်မှာလား သားကိုနားလည်ပီး ပြုံးကြည့် နေခဲ့မှာလား ဆိုတာ သား အမြဲ တွေးနေခဲ့ မိတယ် ဖေဖေ။ တကယ်တော့ သားမျက်ရည် မကျခဲ့တာဟာ ဖေဖေ့ကို မချစ်လို့ မဟုတ်ပါဘူး ငိုနေတဲ့ မေမေနဲ့ ညီလေးတွေကို ကြည့်ပီး သားဟာ အဖေ့ နေရာကို ၀င်ရပ်ရတော့မယ် တာဝန်ကြောင့် ပျော့ညံ့တဲ့ စိတ်ဓာတ်ကို အနိုင်မပေးခဲ့တာပါ ဖေဖေ။ ဒါပေမဲ့ သားရင်ထဲမှာ ငိုနေတာကို တော့ ဘယ်သူမှ သိနိုင်ခဲ့မယ် မထင်ပါဘူး။ အဲ့ဒီတုန်းက မကျခဲ့တဲ့ မျက်ရည်ဟာ သားအတွက် နောက်ပိုင်းမှာ ပြသနာတခုခု ကြုံရလို့ ဖြေရှင်းရတိုင်း ဖေဖေ့ကို သတိရတမ်းတ ခဲ့တဲ့အခါ သားဟာ အိပ်ယာ၊ အိမ်သာ၊ ရေချိုးခန်းစတဲ့ နေရာတွေမှာ မေမေနဲ့ ညီလေးတွေ မသိအောင် ခိုးငိုခဲ့ရတာပေါ့။

ဖေဖေ ရှိစဉ်အခါ က ချာတိတ်အရွယ် သားဟာ ခုအခါ လူလားမြောက်ခဲ့ပါပီ ဖေဖေ။ လောကကြီးက ပို့ချတဲ့ သင်ခန်းစားတွေကို သား သင်ယူခဲ့ပီးပါပီ။ တချို့တွေက ခါးသီးခဲ့သလို တချို့က ချိုမြိန်ပါတယ်။ ရွယ်တူ သူငယ်ချင်းတွေ ပျော်တိုင်း သားဟာ မပျော်ပါးနိုင်ခဲ့ပါဘူး တခုခုလုပ်ချင်တိုင်း ညီလေး ၂ယောက်ကို ဦးစား ပေးခဲ့ပါတယ်။ ဒါတွေအတွက် သား နစ်နာတယ်လို့ တခါမှ မယူဆခဲ့ပါဘူး ဂုဏ်တောင် ယူပါသေးတယ်။ သား အကိုကြီး တယောက်ရဲ့ တာဝန်ကျေချင်တယ် ဖေဖေ။ ဖေဖေကိုယ်တိုင်လည်း ဖေဖေ့ရဲ့ ဆန္ဒတွေကို ဘေးဖယ် မိသားစု အတွက်သာ ဦးစားပေးခဲ့တာ မဟုတ်လား။ ဖေဖေ့သား ကျနော်က ဖေဖေ့ ခြေရာကို ဘာလို့ မနင်းနိုင် ရမှာလဲ။ ဘာပဲပြောပြော ဖေဖေ ဆုံးမခဲ့တဲ့ ငါ့သားကြီးက ပျော့ညံ့တယ် ပြသနာတခုကို လွယ်လွယ် အရှုံးပေးချင် တယ် ပြသနာတိုင်းကို သေချာကိုင်တွယ်ပီး ထွက်ပြေးဖို့ မစဉ်းစားပဲ တယောက်တည်း ဖြေရှင်း နိုင်အောင် ကြိုးစားဆိုတဲ့ စကားတွေကို သားတသက် မေ့ရမှာ မဟုတ်ပါဘူး။ ဒါတွေဟာ သားအတွက် အားအင်တွေပါ ဖေဖေ။ ဒါပေမဲ့ သားဟာ ပြသနာတခု ဖြေရှင်းပီးတိုင်း စိတ်ဓာတ်က အောက်ခြေအထိ ထိုးကျပီး လူလောက ကနေ ဖေဖေ့လို အဝေးဆုံးကို ပြေးထွက်ချင်မိတဲ့အထိ ဖြစ်ပျက်ခဲ့ရတာတွေဟာ သားဟာ ပျော့ညံ့ဆဲ ဆိုတာ သား ၀န်ခံပါတယ်။ အဲ့လို အချိန်တွေတိုင်း ဖေဖေ့ ဆီက ငါ့သားကြီးက တော်လိုက်တာ လိမ်မာလိုက်တာ ဆိုတဲ့ အားပေးစကားတွေကို အရမ်း တမ်းတမိတယ် ဖေဖေ။ အဲဒီအသံတွေသာ သားကြားရရင် သားရဲ့ အားအင်တွေ ပြန်ပြည့်လာမှာ အမှန်ပါပဲ။

ဖေဖေ မရှိတဲ့ နောက်ပိုင်း သားဟာ သားတို့မိသားစုလေးကို စည်ကားပျော်ရွှင် ရအောင် တတ်နိုင်သမျှ ကြိုးစား ပေးခဲ့ပါတယ်။ ဒါပေမဲ့ ဖေဖေ့ကို တော့ ဘယ်မှီပါ့မလဲနော်။ မှတ်မိသေးတယ် ဖေဖေ သားတို့မိသားစု စနေ၊ တနင်္ဂနွေတိုင်း မနက်ဆို ဖေဖေ ချက်ကျွေးတဲ့ ထမင်းကိုစား ညနေဆို လျှောက်လည် ကြတဲ့ အချိန်တွေကို သား မှတ်မိနေသေးတယ်။ အော် ဖေဖေ့ ကို သားတိုင်ပင်စရာ ပြောပြစရာ ရှိနေသေးတယ် သားလေ သားအတွက် ရင်ခုန်နှုန်းမြန်စေတဲ့ ကောင်မလေး တယောက် တွေ့နေပီ ဖေဖေ။ ဖေဖေ့ကို ပြရင် ဖေဖေ သဘောကျမဲ့ အလိမ်မာလေးပါ။ ဒါပေမဲ့ သူက သားကို ပြန်မချစ်နိုင်တာလည်း သိနေတော့ မပြတော့ဘူးနော်။ ဘာလို့လည်း လို့ မေးရင်တော့ နားလည်မှုလို့ ပဲ ပြောရမှာပဲ ဖေဖေ .. ဖေဖေကတော့ ပြုံးပီး ကြည့်နေမလားပဲ ဒီလို ပြောပြတာဟာ သားမရိုသေတာ မဟုတ်ရပါဘူးဖေဖေ သားကို သူငယ်ချင်းလို ပေါင်းတဲ့ ဖေဖေ့ကို ပွင့်ပွင့် လင်းလင်း တိုင်ပင်တာပါ။ ထားလိုက်ပါတော့ ဒီကိစ္စအတွက် သားတကယ်ကို အချိန်မပေးနိုင်သေးပါဘူး။ ညီလေး တွေအတွက် သားအများကြီး ကြိုးစားရဦးမယ်။ ဖေဖေသူတို့ နားမှာ မရှိတဲ့အတွက် သူတို့ မျက်နှာ မငယ်စေချင် ဘူး ဖေဖေ။ တကယ်ဆို သားဟာ ဖေဖေနဲ့ ၁၄ နှစ်ဆိုတဲ့ အတိုင်းအတာထိ ဖေဖေ့ မေတ္တာကို ရခဲ့သူပါ။ ညီလေးတွေကတော့ သားလိုမဟုတ်ဘူးလေ ဒီလိုစဉ်းစားတိုင်း သားညီလေးတွေကို အရမ်း သနားမိပါတယ်။ အဲဒါ ကြောင့် သားညိလေးတွေကို အစစအရာရာမှာ အလိုလိုက်ခဲ့ပါတယ်။ ဒါကြောင့်လားမသိဘူး ကိုဖြိုး တော်တော် ဆိုးတယ် ဖေဖေ ဒါပေမဲ့ စိတ်မပူပါနဲ့ သားကိုင်တွယ်နိုင်မှာပါ။ ငယ်လေးကတော့ အရမ်း လိမ်မာတာပဲ ဖေဖေ စာတော်တာ နောက် လူကြီးဆန်တာ တအားပဲ။

မေမေလား မေမေကတော့ တကယ့်မေမေပါပဲ။ ဖေဖေမရှိတဲ့နောက် သားသုံးယောက်ကို မျက်နှာမငယ်ရအောင် သူများတွေနဲ့ တန်းတူ နေနိုင်အောင် မေမေ ကြိုးစားခဲ့ပါတယ်။ ဒါကြောင့် ထင်ပါရဲ့ မေမေရဲ့ ခေါင်းမှာ ဆံဖြူတွေ များလာလေရဲ့ ဖေဖေရှိသေးရင် နှုတ်ပေးရင် စဦးမလားပဲ :) ။ ဆွေမျိုး အသိုင်းအ၀ိုင်းတွေရဲ့ နှိပ်ကွပ်မှုကို ကြံ့ကြံ့ ခံကာ မိသားစု မပြိုကွဲရအောင် မေမေ ကြိုးစားခဲ့ပါတယ်။ သားက ဒီကိတ်စတွေကြောင့် ဒေါသထွက်ကာ ဆွေဖြတ် မျိုးဖြတ်မယ် လုပ်တိုင်း မေမေက လေသံအေးအေးလေနဲ့ သီးခံနိုင်ဖို့ကို ဆုံးမပါတယ်။ မေမေ့ ဆီက သား ရခဲ့တာကက သီခံနိုင်ခြင်းပါပဲ။

ဖေဖေ့အတွက် ကိုးနှစ်ပြည့်ကို သားတို့ အရင်နှစ်တွေလိုပဲ အိမ်မှာ ဘုန်းကြီး ဆွမ်းကျွေး တရားနာ လုပ်ခဲ့ပါတယ်။ သားတို့ ပြုသမျှ ကုသိုလ် အစုအဖို့ပါကကို ဖေဖေ ရောက်လေရာ ဘ၀ကနေ သာဓု ခေါ်နိုင်ပါစေ။ သားကတော့ အဝေးကနေပဲ သာဓု ခေါ်နိုင်ခဲ့ပါတယ်။ သားတို့ မိသားစုရဲ့ ရင်မှာ ဖေဖေဟာ ဘယ်တော့မှာ ပျောက်ကွယ် မသွားပဲ အမြဲကိန်းအောင်း နေမှာပါ။ ဖေဖေဟာ သားတို့ကို စောင့်ရှောက်နေတဲ့အတွက် ဖေဖေ ချစ်တဲ့ သားတို့ ဟာ ဒီထက် အောင်မြင်ကြဦးမှာပါ။ ဖေဖေ့ ဆန္ဒတွေဟာလည်း ပြည့်ဝလာရမှာပါ။ ဖေဖေ့ကို သားဒီနေရာကနေပဲ ဦးချ ကန်တော့လိုက်ပါတယ် ဖေဖေ။

ဖေဖေ့ ချစ်သားကြီး

Blogger မိုးသောက်ယံ ဆိုတာ ...

2008-09-28T23:56:00.000+08:00

ဒီ ပို့စ်လေးကို ဖတ်ရင်း ဖတ်ရင်းက ရေးချင်တာနဲ့ ရေးလိုက် မိပါတယ်။ ဘယ်သူတဂ်လဲ မေးရင်တော့ ကိုရန်အောင်ကြီး တဂ်တယ် လို့သာ ပြောပါတဲ့ :D။

ကိုယ့်ရဲ့ နာမည်

မိုးသောက်ယံ တဲ့ ဘယ်သူကမှ မပေးပေမဲ့ ကိုယ့်ဟာကို ကြိုက်လို့ ပေးလိုက်မိတဲ့ နာမည် လှလှလေး တခုပါ။ (ကိုယ့်ဟာကိုယ် ပေးတာပဲနော် လှတာပေါ့ :P )

ကိုယ့်ကို ဒီလိုခေါ်တယ်

အမေကတော့ သားကြီးတဲ့၊ ညီလေး ၂ ယောက်က ကိုကြီးတဲ့၊ သူငယ်ချင်းတွေကတော့ နာမည်ပြောင်တွေ ခေါ်တာ များပါတယ်။ သင်းတို့က စိတ်ကောင်းဝင်နေချိန်ဆို ယောက်ဖ (သူတို့ပေးရမှာနော် ကျနော့်မှာ ညီချည့်ပဲ သိတာ သူတို့ သိတယ် :P )၊ ချော့ကလက် (မင်း အသားရည်က မည်းတာလဲ မဟုတ်ဘူးတဲ့ ညိုကို ညိုတာပါတဲ့ တခုခု ကျွေးခါနီးတိုင်း အဲ့လိုကို ပြောတာ)၊ တခါတလေ ပွတ်တီး လို့ခေါ်သေးတယ် (အဲ့နာမည်က လေးတန်း လောက်တည်းက သယ်ရင်း တကောင်က စပ်ဆော့ပီး ပေးထားတာ ဘာရည်ရွယ်မှန်း မသိဘူး)၊ သင်းတို့ ဒေါသ ထွက်တဲ့ အခါမှာတော့ ငမဲ တဲ့ တလုံးတည်းကို ပိတ်ခေါ်တာ .. ကောင်းရော ။

ကိုယ်ဒီမှာနေတယ်

လောလောဆယ် ထိတော့ ရပ်တည်မှု ဆိုတာ မည်မည်ရရ မရှိသေးပါဘူး။ ကျယ်ပြောလှတဲ့ ကမ္ဘာကြီးပေါ်မှာ သေးငယ်တဲ့ နေရာထိုင်းခင်းတခု အတွက် ရုန်းကန် နေရဆဲ ပါပဲ။

ကိုယ့်ဆီဖုန်းဆက်ချင်ရင်

လူကြီးမင်း ခေါ်ဆိုနေသော တယ်လီဖုန်းမှာ ဆက်သွယ်မှုဧရိယာ ပြင်ပ ရောက်ရှိနေပါသဖြင့် ခေါ်ဆိုရွေ့ မရနိုင်ပါ ခင်ဗျာ။ :D

အရောင်ဆိုရင်

အရောင် ခပ်နုနုတွေ ကြိုက်တယ်။ ကျနော့် အ၀တ်အစားတွေဟာ ကာလာစုံများတယ်။ တခါတလေတော့လည်း အဖြူ နဲ့ အမဲကို မုန်းလောက်အောင်ကို ၀တ်တယ်။ အကြိုက်ဆုံးက အစိမ်းရောင်ပါ မိုးရွာပီးစ လန်းနေတဲ့ သစ်ရွက်စိမ်းစိမ်း လေးတွေရဲ့ အရောင်မျိုးပါ စိတ်ကြည်လင်မှုကို ပေးနိုင်လို့ ကြိုက်မိတာပါ။

အ၀တ်အစားဆိုရင်

တီရှပ်နဲ့ ဂျင်းဘောင်းဘီသာ အ၀တ်များပါတယ်။ ကြယ်သီးတွေ တပ်ရတဲ့ ရှပ်အင်္ကျီ တို့ ဘောင်းဘီ ကြယ်သီး တပ်ရ တဲ့ 501 လို ဘောင်းဘီမျိုး ကျနော်မ၀တ်ပါဘူး။ ပုဆိုးကို ဘုရားကျောင်းကန် တက်တဲ့ အချိန်နဲ့ ကျောင်းတက်ရတဲ့ အချိန်တုန်းကသာ ၀တ်ခဲ့ပါတယ်။ ပုဆိုး ၀တ်လိုက်တိုင်း စိတ်ထဲ မညီဘူးရယ်လို့ ခံစားမိလို့ပါ။ ပုဆိုးလဲ မမြဲဘူးဗျ။ :D ကျနော်အကြိုက်ဆုံး brand တွေက Valentino, Crocodile, Hush Puppies အစရှိတဲ့ တံဆိပ်တွေပါ (ပြောရတာ အရသာကို ရှိနေတာပဲ) :D။

ကိုယ့်ကိုယ်ကို ဘာစတိုင် ၀တ်တယ်ရယ်လို့ မသုံးသပ်ဖူးတာ အမှန်ပါ။ Rapper တွေလို ပွပွကြီး မ၀တ်ပေမဲ့ များသော အားဖြင့် ပွပွ ရှိတာကို ၀တ်ဖြစ်ပါတယ်။ အရမ်း Fit ဖြစ်တာမျိုးမကြိုက်ပါ။ တခါတလေတော့လည်း အောက်က ဘောင်းဘီ အပွနဲ့ တီရှပ် Fit ဖြစ်တဲ့ဟာမျိုးကို ၀တ်ဖြစ်ပြန်ရော။

အစားအသောက်ဆိုရင်

စားကောင်းတာ မှန်သမျှ အကုန်စားပါတယ်။ တော်တော်များများ ကြိုက်ပါတယ် သိပ် ဂျေးမများတတ်ပါဘူး။ ထမင်းဟင်း ဆိုလည်း သူ့ဟာနဲ့ အစပ်အဟပ် တည့်ရင် မြိန်ရင် စားတာပါပဲ။ အသုပ်စုံ၊ ကောက်ညှင်းပေါင်း အရမ်းကြိုက်တယ် နောက် ရှမ်းစာ တော်တော်များများ ကျနော် ကြိုက်ပါတယ်။ ကျနော် မကြိုက်တာဆိုလို့ ရွှေဖရုံသီး နဲ့ ကြက်မောက်သီးပါ ငယ်ငယ်တည်းက ခုချိန်ထိ အဲဒါတွေကိုမြင်ရင် ပျို့သလိုလို ဘာလိုလိုဖြစ်လို့ တသက်နဲ့ တကိုယ် ခုချိန်ထိ မစားဖူးသေးပါဘူး။

ပစ္စည်းဆိုရင်

ကျနော်က ပစ္စည်း ဆန်းဆန်း တော်တော်ကို ကြိုက်တတ်ပါတယ်။

သီချင်းဆိုရင်

သီချင်းလား ဘာလာလာ ဒေါင်းတယ်ခင်ဗျာ။ သိပ်ပြီးမဆူညံဘူး ခံစားလို့ရတယ် အဓိပ္ပါယ် ရှိတယ်ဆို အကုန် နားထောင်ပါတယ် Classic ကအစ နောက်ဆုံး Rap, Hiphop ထိ နားထောင်ပါတယ်။ မြန်မာသီချင်းကြီး ထဲက ကြိုက်မိတာက နတ်သျှင်နောင် ဆိုတာနဲ့ ဆောင်းအမှီ ဆိုတဲ့ သီချင်းတွေပါ မူရင်းအဆိုတော်တွေကိုတော့ မမှတ်မိတော့ပါဘူး။ တခြား တော်တော်များများလည်း နားထောင်ဖူးပါတယ်။ ငယ်ငယ်က အမေက အမြဲ ရေဒီယို ဖွင့်နားထောင်တော့ နားထဲယဉ်နေတာပါ။

စာရေးဆရာ

ချစ်ဦးညို၊ မြသန်းတင့်၊ ရွှေဥဒေါင်း၊ ဒဂုန်ရွှေမျှား၊ တာရာမင်းဝေ၊ မင်းခိုက်စိုးစံ၊ နီကိုရဲ၊ အကြည်တော်၊ မောင်မိုးသူ တော်တော်များများ ကို ကြိုက်ပါတယ်။

Life Style

သိတတ်တဲ့ အရွယ်မှာ ဘ၀ဆိုတာ နေစရာ နေရာတခု၊ စားစရာ စတာတွေ အတွက် တိုက်ပွဲ ၀င်နေရတဲ့ အရာ တခုလို့ပဲ မြင်တော့တယ်။ အေးအေးချမ်းချမ်း နေရတဲ့ ဘ၀မျိုး လိုချင်တာပေါ့ဗျာ မဟုတ်ဘူးလား။

ဝါသနာ

ရေကူး၊ တင်းနစ်စ်၊ ဘောလုံးကန်၊ စာဖတ်၊ ခရီးသွား စတာတွေပါ။ ခရီးသွားတာ ဘယ်လောက်များ ၀ါသနာပါလဲဆို အိမ်က တော်ရုံဆို ခရီးပေးမထွက်ပါဘူး။ အဲ အမေက သူစိတ်ဆိုးရင် အိမ်ပေါ်က ဆင်းသွားလို့ ပြောတတ်ပါတယ်။ အဲ့စကားကို ထိထိမိမိ အသုံးချတတ်တာ ပထမနှစ်မှာပါ အဲ့တခေါက်က အမေက အဲလို ဆင်းလို့လည်းပြောရော ထည့်ထားတဲ့ အထုပ်နဲ့ ခပ်တည်တည် ဆင်းသွားတာပါ။ မေမေကတော့ နောက်လမ်းက ဘကြီး အ်ိမ်မှာ သွားနေတယ်ပဲ ထင်တာပေါ့။ အရင်ကလည်း ဒီလိုပဲကိုး ကျနော်က လစ်သွားတာခင်ဗျ လစ်သွားတာ:D။ သူငယ်ချင်း တယောက်ကို အဖော်စပ်ပီး ကျိုက်ထီးရိုး ဘုရားရောက်သွား ခဲ့ပါတယ်။ ပြန်လာတော့ အဆူခံပေ့ါ။ ဒါမျိုး ၂ ခါ ၃ခါ လောက် လုပ်ပြီးတဲ့ အခါမှာ မေမေ ကျနော့်ကို ဘယ်မှ ဆင်းမသွားခိုင်းတော့ပါဘူး :P ။

အလိုချင်ဆုံး လက်ဆောင်

အင်း .. ခုချိန်မှာ ဒီမေးခွန်းကို မေးရင်တော့ .. ကျနော် ချစ်နေတဲ့ ကောင်မလေး ကျနော့်ကို အမြန်ဆုံး နားလည်နိုင် ပါစေဆိုတဲ့ လက်ဆောင်ပဲ။ သူက ကျနော့်ကို နားလည်တာ သိပ်နည်းနေတယ်ဗျ။

ကိုယ့်ရဲ့ အချစ်ဆုံးသူက

၅၂၈ မှာ ဖေဖေ မေမေ ပေါ့။ ၁၅၀၀ မှာတော့ ….. ။

ကိုယ့်ရဲ့ အမုန်းဆုံးသူက

မရှိသေးပါဘူး လူတယောက်ကို ကြာရှည် စိတ်မဆိုးတတ်တဲ့ ကျနော့ အတွက် မုန်းရမဲ့ သူဆိုတာ မရှိသေးပါဘူး။

ကိုယ့်ရဲ့အလေးစားဆုံးသူ

ဖေဖေပါ ဖေဖေဟာ သူ့ဘ၀မှာ သူဖြစ်ချင်တာတွေ တော်တော်များများကို အဆုံးရှုံးခံပြီး သူချစ်တဲ့ သူတွေအတွက် ဆန္ဒ ဖြည့်ဆည်းပေးခဲ့ပါတယ်။ ကျနော်ကိုယ်တိုင်လည်း ဖေဖေ့လိုဖြစ်အောင် ကြိုးစားချင်ပါတယ်။ မလွယ်လှပါဘူး။

ကိုယ့်ရဲ့ အခင်ဆုံး သူငယ်ချင်း

အားလုံးပါပဲ။

ကိုယ့်ကို အများဆုံး နားလည်ပေးတဲ့သူက

မရှိဘူးထင်တယ် ၀မ်းနည်းရဆုံး ကိစ္စ တခုပါ။ ကျနော်လူတော်တော်များများကို နားလည်ပေမဲ့ လူ တော်တော် များများ က ကျနော့ကို နားမလည် ကြပါဘူး။

ရင်အခုန်ဆုံး အချိန်

မိန်းခလေးတယောက်ကို ချစ်မိနေပြီလို့ သိလိုက်ရတဲ့ အချိန်။ ကိုယ့်လူတို့လည်း ကြုံဖူးမှာပါ တော်တော် Romantic ဆန်တယ်ဗျာ။

အကြောက်ဆုံးအချိန်

လူတယောက်ယောက်နဲ့ ပြိုင်နေရတဲ့အချိန်။ ကျနော် ရှုံးမှာကို တော်တော် ကြောက်ပါတယ်။ အသေးအဖွဲက စလို့ပေါ့။ အဲလို ရှုံးမှာ ကြောက်တတ်တဲ့အတွက်ကြောင့် နေရာတော်တော်များများ မှာ ကျနော် ရှုံးနိမ့် ခဲ့ရပါတယ်။

အမှတ်တရနေ့

အောက်တိုဘာ ၅ ရက်၊ ၂၀၀၀ ခုနှစ်။

ဆုတောင်းတိုင်းသာ ပြည့်မယ်ဆိုရင်

မပူမပင် မကြောင့်မကျ နေနိုင်တဲ့ ဘ၀လေးတခု ကို တောင့်တမိတယ်။ နောက် သူမနဲ့ ကျနော့် အကြား ကျနော်က ချစ်နေပါတယ်လို့ ဖွင့်မပြောပဲ တယောက်နဲ့ တယောက် အပြန်အလှန် နားလည်နိုင်ဖို့။

ကျနော့ရဲ့ ပထမဆုံးများ ...

2008-09-23T22:05:00.004+08:00

ပထမဆုံး နေခဲ့သည့် ကျောင်း-အမက (၁၆) သင်္ဃန်းကျွန်း။

ပထမဆုံး ရခဲ့သည့် မုန့်ဖိုး -ငါးကျပ်။ လေးတန်းကျောင်းသား ဘ၀အရွယ်၊ ဘာလုပ်ပစ်တယ် ထင်တုန်း ဂေါ်လီရိုက်ပစ်လိုက်တယ်ဗျ။ ;D

ပထမဆုံး စီးဖူးသည့် ဘတ်စ်ကား-ကိုယ်ပိုင်ကားမှ မရှိပဲဗျာ၊ ငယ်ငယ်လေးတည်းက စီးတာဆိုတော့ မမှတ်မိတော့ဘူး :P

ပထမဦးဆုံး ကျောင်းပြေးဖူးသည့်အချိန်-အဲ ခက်ပီ .. ကျနော်က ကျောင်းပျော်ဗျ၊ တကယ့်ကို တခါမှ မပြေးဖူးပါဘူး။ နေမကောင်းရင်တောင် တော်ရုံတန်ရုံဆို ရောက်အောင်သွားတယ်။

ပထမဆုံး ဂစ်တာတီး သင်ရင်း ဆိုခဲ့သည့်သီချင်း-ကလေးရယ် ပါ အဲလက်စ် သီချင်းလေးပါပဲ။ round chord ပဲမို့ လွယ်ပါတယ်။

ပထမဆုံးထိုင်ဖူးတဲ့ လက်ဖက်ရည်ဆိုင်-ဒါလည်း တော်တော် စဉ်းစား ရတယ်ဗျ၊ လက်ဖက် ရည်ဆိုင် သိပ် မထိုင် ဖြစ်ပါဘူး။ ဆယ်တန်း ကျောင်းသား ဘ၀မှာ ကျူရှင်တက်ရင်း ထမင်း သွားစားတော့ သူငယ်ချင်းတွေနဲ့ ထိုင်တယ်။ ရေကျော် ဗိုလ်ချုပ်လမ်းမှာပါ သုံးပန်လှ လို့ ခေါ်ပါတယ်။ နောက်ပိုင်းလည်း ထိုင်ဖြစ်ပါတယ် သူငယ်ချင်းတွေနဲ့ ဆိုရင်ပေါ့။

ပထမဆုံးသောက်ဖူးသည့် စီးကရက်-ဆေးလိပ် သောက်ဖူးဗျ ကြိုက်ဘူး အနံ့ကို ခံရခက်လို့။

ဆေးပေါ့လိပ်-ပိုဆိုးတာပေါ့ဗျာ ;D

ပထမဆုံး ရည်းစားထားဖူးသည့်အချိန်-ကိုးတန်း ကျောင်းသားဘ၀မှာပါ တနှစ်လုံး အသေအလဲ လိုက်ပြီး ဆယ်တန်းကျောင်း စတက်တဲ့အချိန်မှ အိုကေခဲ့တာပါ။

ပထမဆုံး ဖတ်ဖူးသည့် ၀တ္ထုစာအုပ်-စာတော်တော် ဖတ်ဖြစ်ပါတယ် ဒါမဲ့ မေ့ပီဗျာ ပထမဆုံး ဘာဖတ်လည်း ဆိုတား( ။

ပထမဆုံး ဖတ်ဖူးသည့် ဘာသာရေးကျမ်း-ဦးဆန်းလွင် ရေးတဲ့ ဗုဒ္ဒဘာသာဝင်တွေ ယုံကြည်တာက ဆိုတဲ့ စာအုပ် ဖြစ်ပါတယ်။ ညွှန်းပါတယ် ဖတ်သင့်ပါတယ်။

ပထမဆုံး အရက်မူးဖူးသည့် အချိန်-ကျနော် သင်္ဘော တက်မယ် ဆိုတော့ မထွက်ခင် တည အလို ကျနော်တို့ သယ်ချင်းတစု ဘီယာလေးပုလင်း ၀ယ်ပြီး ဗိုလ်တထောင် ဆိပ်ကမ်းမှာ ဂစ်တာတီးရင်း သွားသောက်ခဲ့ကြတယ်။ အားလုံးက တကယ့်ကို အဲ့အချိန်မှ စသောက်ဖူးတာပါ မူးတယ် မဆိုသာပေမဲ့ ရီရီလေးနဲ့ ကောင်းနေတာပေါ့ဗျာ အဟတ် ဟတ် :P ။

ပထမဆုံး ပစ်ဖူးသည့် သေနတ်-ဘော်ဘော်တွေနဲ့ လေသေနတ် ပစ်တမ်း ကစားတော့ ကိုင်ဖူးတာ လေသေနတ် ပစ်စတိုလေးပေါ့ ;D ။

ပထမဆုံး ရောက်ဖူးသော နိုင်ငံခြား-မလေးရှားပါ ။

ပထမဆုံး ရေးခဲ့သော ဘလော့ပို့စ်-တခါတုန်းက ဆိုတဲ့ ကဗျာလေးပါ ။

ကဲ အကိုလင်းထက် ကောင်းမှုနဲ့ ရေးစရာ ပျောက်နေတဲ့ ကျနော် ရေးစရာရ သွားတဲ့အတွက် ကျေးဇူးအထူး တင်ပါတယ် အကိုလင်းထက်။ ကျနော်ကလည်း လက်ထဲ တုတ်ရရင် အညိမ်မနေ တတ်ဆိုတော့ ကျနော့် သယ်ရင်းလေး ခုဘလော့ဂ် ပါ့တနာလေး ပီးနတ်ကို တဂ်ပါမယ်။ ရေးပေတော့ :P ။ (ရေးလို့ အဆင်ပြေပါ့မလားတော့ မသိ ငါကတော့ တက်ဂ်လိုက်တယ် ဘာပဲဖြစ်ဖြစ် ဖြစ်အောင်ရေးနော် .. ပထမဆုံးတွေ သိချင်လို့ :P)

Crew Party ..

2008-09-15T08:49:00.001+08:00

ဒီနေ့ဟာ ကျနော်တို့ Crew တွေရဲ့ Party Day ပါ။ ကျနော်တို့ သင်္ဘောပေါ်မှာ Crew Party ကို ၂လ တကြိမ် ပထမအပတ် သို့ ဒုတိယ အပတ်မှာ ကျင်းပပေးလေ့ရှိပါတယ်။ Crew Party ဆိုလို့ သိပ်ကြီးကြီး ကျယ်ကျယ် ခမ်းခမ်း နားနားတော့ မဟုတ်ပါဘူး။ ကိုယ့်ဆီက ၀န်ထမ်းတွေ စားကြသောက်ကြ ပြိုင်ပွဲလေးတွေလုပ်ကြ ဒီလောက်ပါပဲ။ ပျော်စရာတော့ ကောင်းလှပါတယ်။ ကျနော်ကတော့ သင်္ဘောပေါ်ရောက်ပီးတည်းက ၂ နှစ်ကျော်အတွင်း မှတ်မှတ်ရရ ရောက်စက တခါလားပဲ ရောက်ပါတယ်။ ကိုယ်တိုင်က သိပ်မသောက်တတ်တာရယ် လူရှုပ်တာကို မကြိုက်တာ ရယ်ကြောင့် အဲ့လို ပွဲရှိတဲ့ လ မျိုးဆို ကျနော့ရဲ့ partner ကိုသာ နေ့ပိုင်းပေးနေပီး ကျနော်ကတော့ ညဘက်သာ ယူခဲ့တာ များပါတယ်။

Crew Party ဆိုရင် ကျနော့တို့ Crew တွေအတွက် ဘီယာ၊ အရက်၊ အအေး စသဖြင့် ကိုယ်နှစ်သက်ရာကို သောက်သုံးခွင့် Free ကူပွန်တွေ ရပါတယ်။ တဦးကို ဘီယာဆို လေးဘူး၊ အရက်ဆို ၂ ပက်၊ အအေးဆိုခြောက်ဘူး စသဖြင့် ရပါတယ်။ အရက်သေစာ သောက်သုံးတာနဲ့ ပတ်သက်လို့ တရားဝင်သတ်မှတ်ထားတာက ၀န်ထမ်းတိုင်း တဦးကို alcohol limit က 0.4 ထက်ကျော်လို့ မရပါဘူး။ ပြသနာတခုခု တက်တဲ့အခါ (ရန်ဖြစ်တာ ဘာညာ ကို ဆိုလိုပါတယ်) ဆရာဝန်က အရက်ခေါ်စစ်ပါတယ် သောက်ထား မသောက်ထား သောက်ထားရင် သတ်မှတ်တာထက် ကျော်လားပေါ့ ကျော်ရင်တော့ ဒီဝန်ထမ်းအတွက် Terminate ပါ There’s no excuse ပါပဲ။ အဲ ဒီလိုညမျိုးကို တော့ ချွင်းချက်အနေနဲ့ ခွင့်လွှတ်ပေးထားပါတယ်။ နောက်နေ့ကို အရက်မစစ်ပါဘူး ပြသနာ မဖြစ်ခဲ့ရင်ပေါ့လေ။ Crew Party တိုင်းမှာ Entertainment Contest တွေပါ ပါတယ်။ ကြိုက်တဲ့ ဌာနတိုင်းက ၀န်ယှဉ်ပြိုင်ခွင့်ရှိပီး ဆုတွေကိုလည်း ထိုက်ထိုက်တန်တန် ပေးပါတယ်။ ကျန်တဲ့နေ့တွေမှာ အစားအသောက် အဆင်မပြေလှပေမဲ့ အဲ့နေ့ကတော့ Buffet ၊ BBQ စသဖြင့် တော်တော် စားရတာ အဆင်ပြေလှပါတယ်။ ကျနော်ကတော့ ဂျုတီချိန်မို့ သူငယ်ချင်းတွေ ကင်ထားတဲ့ အသားတွေရယ် Coke ရယ် သောက်ပီး ညစာပြီးဆုံးခဲ့ပါတယ်။

ဒီတခေါက် Crew Party ကတော့ Buffet ၊ BBQ ၊ အဖျော်ယမကာ အစုံအပြင် Music Contest and Beer Contest ပါ ၀င်ခဲ့ပါတယ်။ Music Contest မှာတော့ ကျနော်တို့ ကာစီနို ဘက်က လူငယ်တွေအများစု ဖြစ်တာကြောင့် ဆု သုံးဆု လုံးသိမ်းယူခဲ့ပါတယ်။ Beer Contest မှာလည်းပဲ နှစ်ယောက်တတွဲ ချထားတဲ့ ဘီယာ ၂ ဘူးကို တဘူးကို မော့သောက်ပီး ပီးတာနဲ့ တခြားတဘူးကို ပိုက်နဲ့စုပ် အရင်ကုန်တဲ့သူက အနိုင်ရရှိပါတယ်။ ဒီမှာလည်းပဲ ကျနော်တို့ ကာစီနိုဘက်က ပဲ အနိုင်ရရှိလိုက်ပါတယ် ဒီတခါ အနိုင်ရရှိတာကြောင့် လွန်ခဲ့တဲ့ ၂လက ဘာဆုမှ မရရှိတဲ့ သိက္ခာလေး ပြန်ဆည်လိုက် နိုင်ပါတယ်။

၁၂ နာရီ နောက်ပိုင်းက Disco Time ပါ။ ဒီတလှည့်မှာ အထူးအဆန်းနေနဲ့ ကျနော်တို့ Hotel Manager က အပြင်က DJ ကို ငှားကာ ပျော်စေခဲ့ပါတယ်။ သို့ပေမဲ့လည်း ဒီက အထာကို နားမလည်တဲ့ DJ ကြောင့် ပထမပိုင်းမှာ တော်တော်ပျင်းဖို့ ကောင်းခဲ့ပါတယ်။ HM က ချက်ချင်းပဲ House DJ နဲ့ ပြန်လဲခိုင်းတော့မှ အားလုံးဟာ ပျော်ရွှင်ခဲ့ရပါတယ်။ ဒီမှာ တခုပြော စရာရှိတာက ကျနော်တို့ party တိုင်းမှာ သင်္ဘောပေါ်ရှိတဲ့ လူမျိုးတိုင်းရဲ့ Remix တွေဖွင့်ပေးခြင်းပါပဲ အရှုပ်ချ ခံရဆုံးက သီရိလင်္ကာ (သ ကုလား) တွေရဲ့ Remix ဖြစ်ပီး အနှစ်ခြိုက်ခံရဆုံးက ကျနော်တို့ မြန်မာအဆိုတော် L လွန်းဝါရဲ့ အချစ်မျက်ဝန်း Remix ဖြစ်ပါတယ်။ L လွန်းဝါ ကံတက်ပုံက သင်္ဘောပေါ်မှာ သူ့သီချင်းကို တော်တော် ကြိုက်ကြပါတယ်။ ပီးခဲ့တဲ့ Music Contest က ဖိလစ်ပိုင် လူမျိုး ၀န်ထမ်းတယောက်က အချစ်မျက်ဝန်းကို နှုတ်တိုက်ကျက်ပီး ဒုတိယဆု ရသွားခဲ့ပါတယ်။

ဒီလိုနဲ့ပဲ ညဦးပိုင်း ကိုးနာရီက စခဲ့တဲ့ ကျနော်တို့ ပါတီဟာ ညလယ် ၃ နာရီမှာ ဘာပြသနာမှ မရှိပဲ အေးအေး ဆေးဆေး ပြီးဆုံးခဲ့ပါတယ်။

Red Devil ..

2008-09-13T23:00:00.000+08:00

တွေးလိုက်တိုင်း တနုံ့နုံ့၊ ပြန်မြင်ယောင်တိုင်း စိတ်ပျက်လောက်အောင် ဖြစ်လာတာမို့ မနက် အလုပ်ပီးတဲ့ အချိန်ထိ မစောင့်နိုင်တော့ပဲ အားလပ်ချိန်လေးမှာ အသည်းအသန် ပြေးရေးမိပါတယ်။

ဘာအကြောင်းလဲ ဆိုတော့ကာ ဒီနေ့ ကန်ခဲ့တဲ့ လီဗာပူးလ် - မန်ယူ ပွဲဖြစ်ပါတယ်။ ဆယ်နှစ်အတွင်းမှာ မန်ယူဟာ လီဗာပူး အိမ်ကွင်းမှာ တပွဲ ရှုံး တပွဲ သရေက လွဲလို့ ကျန်တဲ့ ရှစ်နှစ်မှာ အနိုင်ရခဲ့ပါတယ်။ ကျနော်ဟာ သရဲနီ ပရိတ်သတ် ဖြစ်ခဲ့တာ ၁၀နှစ်ကျော် ကြာခဲ့ပါပီ။ ငယ်ငယ်လေးတည်းက အားပေးခဲ့တဲ့ အသင်းမို့ ဒီအချိန်မှာ သရဲတွေရဲ့ ကျနော့ကို စိုးမိုးနိုင်စွမ်းဟာ အမြင့်ဆုံးပါပဲ။ သရဲနီတွေ အောင်ပွဲ ခံရင် ကျနော် ထပ်တူပျော်တယ်။ ကျရှုံးရင် ကျနော် သူတို့နဲ့ ထပ်တူ ၀မ်းနည်းရတယ်။

အခုကန်ခဲ့တဲ့ပွဲဟာ ပထမပိုင်းကို လွတ်လွတ်ကျွတ်ကျွတ် ကြည့်ခဲ့ရပေမဲ့ ဒုတိယပိုင်းဟာ ကျနော့ အလုပ်ချိန်အတွင်းမှာ ဖြစ်တာကြောင့် အသည်းအသန် လူကြီးကို request လုပ်ပီး ကြည့်ခဲ့ရတာပါ။ ပွဲပီးတော့မှ မကြည့်မိရင် အဲ့လောက် စိတ်ထိခိုက်ရမှာ မဟုတ်ဘူးလို့ ကိုယ့်ကိုယ်ကို အပြစ်တင်မိပါတယ်။ ဒီပွဲမှာ နှစ်ဘက်အသင်းဟာ ဒဏ်ရာကြောင့် ပါဖို့ မသေချာဘူးဆိုတဲ့ ကစားသမားတွေကို ထုတ်သုံးသွားတာ တွေ့ရပါတယ်။ သရဲနီဟာလည်း C.Ronaldo တယောက်က လွဲရင် ကျန်တဲ့ကစားသမားတွေကို ထုတ်ကာ လီဗာပူး အသင်းရဲ့ အိမ်ကွင်းမှာ ကြံ့ကြံ့ခံကစား ခဲ့ပါတယ်။ ပွဲစလို့ သိပ်မကြာခင်သုံးမိနစ်မှာ သရဲနီအသစ် ဘာဘာတော့ဖ် ခင်းပေးတဲ့ ဘောလုံးကို တီဗက်စ် သွင်းယူရာက တဂိုး ဦးဆောင်ခဲ့တော့ ပျော်လိုက်တာဆိုတာ ပြောမနေပါနဲ့။ လီဗာပူး ပရိတ်သတ် သူငယ်ချင်းကိုလည်း စလိုက်သေးတာပေါ့။ အဲ ပထမပိုင်း ပီးခါနီးမှာပဲ ဗန်ဒါးဆားနဲ့ ၀က်စ်ဘရောင်းတို့ နားလည်မှု မှားရာက ကိုယ့်ဂိုး ကိုယ်သွင်းမိကာ နစ်နာစရာကောင်းလှတဲ့ ချေပဂိုး ပြန်ပေးခဲ့ရပါတယ်။

လီဗာပူးမှာ မကစားနိုင်ဘူး ထင်ရတဲ့ Steven Gerrard၊ Fernando Torres၊ အပြင် Babel တို့ဟာ ပထမပိုင်းမှာ ၀င်မကစားခဲ့ပေမဲ့ ဒုတိယပိုင်းမှာ လူစုံ ၀င်ကစားသွားခဲ့ပါတယ်။ ဒုတိယပိုင်းမှာ သရဲနီ ဗီဒစ်ရဲ့ Found ကနေ Vidic ဟာ အနီကတ်ဒ်ရပီး ထွက်ခဲ့ရတဲ့ နောက်ပိုင်း လီဗာပူးဟာ လူစုံထည့်ပီး ဖိကစားခဲ့ရာကနေ Babel ရဲ့ အနိုင်ဂိုးသွင်းတာကို ကြည့်လိုက်ရတဲ့အခါ ခံပြင်းလွန်းတာကြောင့် ခုံကို လက်သီးနဲ့ ထိုးမိတဲ့အထိပါပဲ။ ဒီလိုနဲ့ပဲ ပွဲဟာ လီဗာပူး ၂ - ၁ မန်ယူ နဲ့ ပီးဆုံးခဲ့ပါတယ်။ ဘာပဲဖြစ်ဖြစ် စိတ်မကောင်းပေမဲ့ အစွမ်းကုန်ကြိုးစားခဲ့တဲ့ သရဲနီတွေနဲ့ ကြိုးကြာတွေကို ဂုဏ်ယူပါတယ်။ နောက်တကြော့တွေ့မဲ့ Man Utd ရဲ့ Home Old Tradfford မှာ MU Revenge ဘယ်လိုလာမလဲ ဆိုတာ ထပ်မျှော်လင့်ရင်း ဘယ်လိုမှ စိတ်မပါတော့မဲ့ ရှည်လျားတဲ့ ညတညကို ဖြတ်သန်း ပါတော့မယ်။

ထပ်တူ ၀မ်းနည်းရပါတယ် သရဲနီ။

ငယ်သူငယ်ချင်း ..

2008-09-08T09:03:00.000+08:00

မနေ့ညက မုန်တိုင်းကလည်း ဆဲခါစဆိုတော့ သင်္ဘောပေါ် လာဆော့တဲ့ ခရီးသည် နည်းလှပါတယ်။ ခရီးသည်က နည်းတော့ အလုပ်မရှိတာနဲ့ အတွေးနယ်ချဲ့ရင်း ဟိုး ငယ်ငယ်တုန်းက အကြောင်းတွေ ပြန်စဉ်းစားရင်း ငယ်သူငယ်ချင်း ၂ ယောက်ကို သတိရမိသွားပါတယ်။ ကျနော် ငယ်ငယ်က သုဝဏ္ဏမှာ မွေးစကနေ ၇ နှစ်သားလောက်ထိ နေခဲ့ဖူးပါတယ်။ ကျန်တဲ့ သူငယ်ချင်း တွေကို မမှတ်မိပေမဲ့ ခုချိန်ထိ ကျနော့ ခေါင်းထဲ စွဲနေတဲ့ သူငယ်ချင်း ၂ ယောက်တော့ ရှိပါတယ်။

တယောက်က ချစ်မင်းဇော်တဲ့။ ကျနော်နဲ့ သူငယ်တန်းစတက်တော့ သိတာ။ ဒီကောင်နဲ့ ကျနော်က အရာရာမှာ တယောက်နဲ့ တယောက်ပြိုင်ရမှ ကျေနပ်ကြတာ။ သူငယ်တန်းကနေ ကျနော်မပြောင်းခင် ၂တန်းထိ ဒီကောင်နဲ့ ကျနော် တတန်းထဲ ဘေးချင်းကပ် ထိုင်ကြတာ။ လပတ်စာမေးပွဲ၊ နှစ်စဉ်စာမေးပွဲတိုင်း ၂ ယောက်လုံး အဆင့် ၁ ချည်း ရလို့ အတန်းထဲမှာ အဆင့် ၂ သမား အမြဲ ပျောက်တယ်။ ကျနော်တို့ ၂ယောက် ထမင်းစားလဲ ပြိုင်တယ်။ က ခ ရေးလည်း ပြိုင်တယ်။ ကျောင်းပြန်လို့ လမ်းထဲ ထွက်ကစားလည်း တခုမဟုတ် တခု ပြိုင်နေကြ။ ဒီကောင်နဲ့ ကျနော့ ကြားမှာ မမေ့နိုင်စရာအဖြစ် တခုရှိတယ်။ အဲဒါက ဘာလဲဆိုတော့ တခါ ကျနော်တို့ ၂ယောက် ရန်ဖြစ်တယ် ကျောင်းမှာ။ တစ်တန်းတုန်းက ထင်တာပဲ .. စာပြိုင်ရေးရင်း ဒီကောင်က ပါးစပ်ကနေ ပွစိ ပွစိ ပြောပီး ကျနော့ကို အာရုံပြောင်းအောင် လုပ်တယ် ကြာတော့ ကျနော် သည်းမခံနိုင်တော့ပဲ ကွန်ပါဘူးနဲ့ ဒီကောင့် ခေါင်းကို ရိုက်ပလိုက် မိတယ်။ ဒီကောင်ကလည်း သူရေးနေတဲ့ ခဲတဲ့ နဲ့ ကျနော့ကို ပြန်ထိုးတာ ကျနော်က လက်ဝါးနဲ့ ခံလိုက်တော့ လက်ဝါးမှာ စိုက်သွားတာပေါ့။ ဒီကောင့်ခေါင်းလဲ မကွဲပေမဲ့ သွေးတော့စို့သွားတယ်။ ကျနော့ လက်လည်း လက်ဝါး အလယ်မှာ အပေါက်ဖြစ်ပီး သွေးထွက်တော့တာပဲ။ ငယ်တုန်းဆိုတော့ ဘာပြသနာမှတော့ မတက်လိုက်ဘူး။ ၂ဘက်လုံး မိဘတွေ နဲ့တော့ ခေါ်တိုင်တယ် ထင်တာပဲ။ သိပ်မကြာပါဘူး ပြန်တည့်တာပဲ။ ကျနော့မွေးနေ့မှာ ဒီကောင် ပေးထားတဲ့ (သူ့မိဘပိုက်ဆံပေါ့) မွေးပွရုပ်လေး ခုထိ အိမ်မှာရှိသေးတယ်။ ကျနော်ကသာ ဒီအချိန်မှာ ဒီကောင့်ကို အမှတ်ရနေတာ ဒီကောင်က ကျနော့် နာမည်ကိုတောင် မှတ်မိသေးရဲ့လားမသိ။

နောက်တယောက်က ဖူးပွင့်ငုံ တဲ့။ ကျနော့အိမ်ဘေး တအိမ်ကျော်မှာနေတဲ့ ကောင်မလေး။ ဖြူဖြူဖွေးဖွေးနဲ့ ကော်ပတ်ရုပ်လေး ကျနေတာပဲ (ဓာတ်ပုံပြန်ကြည့်ရင်း မှတ်မိတာပါ :D )။ အဲ့ကလေးမ က တဦးတည်းသော သမီး အဖော်မရှိ ကျနော် တို့အိမ်မှာပဲ ကျနော်နဲ့ လာလာကစားနေတာ။ ကျနော့ထက် တနှစ်ကျော်ငယ်တယ် ကျနော့ကို ကိုကို .. ကိုကို နဲ့ ခေါ်တယ်။ အဲ့ကလေးမကို ကျနော် သိပ်နိုင်တာတော့ မှတ်မိတယ်။ သူက ကျနော့်ဆီ ကစားချင်လို့ လာတယ် ကျနော်က သူလာပီဆို ကျနော်က မေမေ ကွယ်ရာကို ခေါ်ပီး (သိချင်နေပီပေါ့ .. ပြောဘူး ၀ယ်ဖတ် :D ) အ၀တ်စုတ်ကို ရေဆွတ် ကြမ်းတိုက်ခိုင်း တော့တာပဲ။ အကျင့်များ မကောင်းလိုက်ပုံပြောပါတယ် သူများ သားသမီးကို လုပ်ပုံက။ ချာတိတ်မက တုံးကလည်း တုံးသေးတယ်ဗျ။ အိမ်မှာ ငယ်ငယ်က အောက်စက် ဘာညာမှရှိပါဘူး။ ကလေးမ လာရင် အခွေကြည့်မလား အောက်စက်ဝယ်လိုက်ပီ ဆိုပီး ကြွားတယ်။ ကြည့်မယ်ဆိုတော့ စားပွဲက အံဆွဲ လေးထဲ ကက်ဆက်ခွေတွေထည့် တီဗီဖွင့်ပြ အဲဒါလည်း ယုံတာပဲ။ အဲဒိတုန်းကတော့ သဘောတွေ ကျတာပေါ့။ ခု ပြန်စဉ်းစားတော့ တော်တော့ကို လွမ်းမိပါတယ်။ ကျနော့် အနွံတာ တော်တော်ခံခဲ့ရတဲ့ သူငယ်ချင်းမလေးပါ။ နောက်ဆုံး ကျနော်တို့ ပုဇွန်တောင်ဘက်ပြောင်းမယ် ဆိုတော့ လာနှုတ်ဆက်ပါသေးတယ် ကိုကို ပြန်လာခဲ့နော်တဲ့။ အဲ့အချိန်က ကျနော်မမှတ်မိတဲ့ စကားကို မေမေက အမြဲ ပြောပီး နောက်တတ်ပါတယ်။ ဘာလဲဆိုတော့ မေမေ သားအတွက် အဲ့ကောင်မလေးကို ငါးဆယ်နဲ့ ၀ယ်ခဲ့ပေးပါတဲ့ :D ။

ဒီနှစ်ယောက်အပြင် ကျနော် တခြားသူတွေကို မမှတ်မိတော့ပါဘူး။ ဒါတောင် သူတို့ရဲ့ ငယ်ရုပ်တွေပဲ မှတ်မိတာပါ ဒီအချိန် လမ်းမှာ တွေ့လို့ တိုက်သွားရင်တောင် မှတ်မိကြမယ် မထင်တော့ပါဘူး။ ကျနော့် ဘ၀မှာ သူငယ်ချင်းပေါင်း များစွာ ရှိခဲ့ပါတယ်။ ကျနော်အတွက် သူငယ်ချင်းတွေဟာ ဒုတိယ ဘ၀ပါပဲ။ ကျနော့် မိသားစုနဲ့ ထပ်တူ ချစ်ရပါတယ်။ ကျနော်ချစ်သလို သူတို့ရဲ့ ချစ်ခင်မှု ပြန်မရမှာလဲ အသေကြောက်ဖူးပါတယ်။ ခုလည်း ကျနော်တွေးမိ ပြန်ပါပီ။ ကျနော် ဒီ ၂ယောက်ကို သတိရနေချိန်မှာ သူတို့ ကျနော့် နာမည်လေးကိုတောင် သိကြပါတော့မလားလို့း( ။

SUCK !!

2008-09-02T11:27:00.000+08:00

တညလုံး အလုပ်လုပ် ပီးတော့ မနက်ကျရင် မနားနိုင်သေး Boat Drill က ရှိလို့ စိတ်ညစ်မယ် ကြံသေး မနက် Drill ပြီးတာနဲ့ Marketing manager ရဲ့ Briefing ရှိတယ်တဲ့။ သေဟ လို့ပဲ စိတ်ထဲက ကျိန်ဆဲမိလိုက်တယ်။ ဒီရက်ပိုင်း အလွန့် အလွန် များပြားလှတဲ့ မလေးရှားရဲ့ ဟောလီးဒေးတွေကြောင့် အိုတီတွေ လုပ်နေရတာက လွတ်မယ်ကြံသေး။ လာပြန်ပီ ဒီ Briefing။ ဟိုတခါ ပေးထားတဲ့ Project က ပီးရုံရှိသေး ဘာများထပ်လာဦးမလဲ မသိလို့ မျက်ခုံးကတော့ ခပ်လှုပ်လှုပ်ရယ်။

Drill ပီးတာနဲ့ မနားနိုင် အသည်းအသန် Conference room ရှိရာကို ပြေးရပါတယ်။ သူများနောက်ကျရင် အရေးမကြီး ကိုယ်နောက်ကျရင်တော့ ပြသနာပေါင်း သောင်းခြောက်ထောင် ရှိနိုင်သည်။ ဟိုရောက်တော့ အခန်းပင် မဖွင့်ရသေး ဘာလို့လဲဆိုတော့ ဒီနေ့ HOD meeting ရှိသည်တဲ့။ ဟုတ်ပါ့ ၂ ရက်နေ့ပဲလို့ တွေးရင်း ဆက်စောင့် ရတော့တာပေါ့ Day Shift Night Shift ခေါ်ထားတာကြောင့် အလုပ်ဝင်ရမဲ့ လူတွေက အချိန်ကပ်နေသလို ညသမားတွေကလည်း ဒီအချိန်ထိ မနားရသေးလို့ စိတ်ညစ်နေကြပီ။ နောက်ဆုံး suprv ရဲ့ meeting cancel လုပ်တယ် ဆိုလို့ ကောင်းလိုက်တာဆိုပီး အခန်းပြန်နားရုံ ရှိသေး ဖုန်းခေါ်ပီး ခုချက်ချင်း စပီတဲ့။ ပြေးရ ပြန်ပီပေါ့။

Title ကိုကြည့်ပီး စိတ်က ဟိုးးး အောက်ဆုံးထိ ကျသွားတယ်။ ကျနော့ နားထဲ ဘာမှ မကြားတော့ပါဘူး။ ကျနော်တို့ project တခု ပီးရုံ ရှိသေး နောက်တခုကို ကျနော်တို့ ဌာနကို ထပ်ပေးပြန်ပီ။ အမှန်ဆို ဒီပရော့ဂျက်တွေဟာ ကျနော်တို့ ဌာနနဲ့ ဘာမှကို မဆိုင်တာ။ အဲဒါတွေကို အော်ကြိး ဟစ်ကျယ်နဲ့ ရှင်းနေတဲ့ Manager ကို ကြည့်ရင်း ကျနော် တော်တော်စိတ်ကုန်သွားပါတယ်။ အားလုံးလည်း ကျနော့် လိုပါပဲ။ ဒီပရော့ဂျက်တွေဟာ အနည်းဆုံး သုံးလကနေ ဆယ်လထိ ကြာတတ်တယ် ကြားကာလမှာလည်း သင်းတို့ ဌာနက ဘာမှဝင်မကူတာ အရမ်းခံရခက်လှပါတယ်။ ကျနော်ကတော့ ပေတေပီး သူတို့ပြောနေတာတွေ တလုံးမှ နားထဲ မ၀င်ဖို့ ကြိုးစားရင်း ညည်းလိုက်မိပါတယ် SUCK ။

Kung Fu Panda

2008-09-01T19:17:00.000+08:00

ပျင်းပျင်းရှိတာနဲ့ ၀ယ်ထားပီး မကြည့်ဖြစ်သေးတဲ့ ရုပ်ရှင်ကားတွေကို မွှေကာ Kung Fu Panda ဆိုတဲ့ ကာတွန်း ကားလေးကို ကြည့်ဖို့ ရွေးလိုက်မိပါတယ်။ တခွေလုံး အစအဆုံး ကြည့်ပြီးတဲ့အခါ ဒီအခွေ ၀ယ်မိတာ ငါ့အတွက် တန်တယ်လို့ ကျေနပ်မိလိုက်ပါတယ်။ Animation တွေရဲ့ သေသပ် လှပတဲ့ လှုပ်ရှားမှုတွေနဲ့ တကားလုံး ဆွဲဆောင် သွားလိုက်တာ ရေတောင် ထမသောက် ဖြစ်အောင်ပါပဲ။ ဇာတ်လိုက် အဖြစ် သရုပ်ဆောင်တဲ့ Po ဆိုတဲ့ ပန်ဒါလေး ဟာ အရမ်းကို ချစ်ဖို့ကောင်းလှပါတယ်။ နောက်ဆုံး ရန်သူ ဇာတ်ကောင် Tai Lung နဲ့ ယှဉ်ပြိုင်တဲ့ အချိန်မှာ ကာတွန်း ကားပင် ဖြစ်လင့်ကစား အတော့်ကို ဆွဲဆောင်မှု ပေးလှပါတယ်။ ဒီကားက Trailer မှာတည်းက နာမည်ကြီးခဲ့တာ နာမည်ကြီးလောက်ပါတယ်လို့ ဆုံးဖြတ်လိုက်မိပါတယ်။ ကျနော်တောင် ဒီလောက်ကြိုက်နေရင် ဒီကားက တကမ္ဘာလုံးမှာ ၀င်ငွေစံချိန် ချိုးဦးမယ့် ကားလို့ ထင်လိုက်မိပါတယ်။

ဒိုင်ယာရီ ထဲက ဒိုင်ယာရီ

2008-08-31T19:26:00.000+08:00

၃၁ သြဂုတ်လ ၂၀၀၈ …

…………………………………………………………………………………………………………………

ဒိုင်ယာရီ စာအုပ်ထဲမှာ အဓိပ္ပါယ်မဲ့ လျှောက်ရေးခြစ် နေမိတယ်။ နောက်ဆုံး ရေးထား တဲ့ စာမျက်နှာကို ကြည့်မိတော့ လွန်ခဲ့တဲ့ သုံးလကျော်က ရေးထားတဲ့ အကြောင်း အရာကလည်း စိတ်ပျက်စရာမို့ အရသာခံပြီး မကြည့်နိုင်တော့။ တကယ်ဆို ရေးစရာတွေ ရှိနေတယ်။ ကိုယ့်ဘာသာ ၀န်ခံရမှာလား လိမ်ရမှာလား အတော် ခက်ခဲနေတယ်။ ဒီစာအုပ်လေး ထဲမှာ ငါလုပ်ခဲ့သမျှ ကောင်းတာ ဆိုးတာ ခါးသီးခဲ့တဲ့ နေ့ရက်တွေ ပျော်ရွှင်စရာ နေ့ရက်တွေကို ရေးချမိခဲ့တာပဲ။ အပြင်မှာ ဖောက်ခွဲထွက်ဖို့ မလွယ်ကူတဲ့ ငါ ဒီစာအုပ်လေးတွှေက ငါ့ရဲ့ ပေါက်ကွဲရာ နယ်မြေပါပဲ။

ဘုရားရေ .. ဘယ်လို အသိဥာဏ်မျိုးနဲ့ ငါ ကိုယ့်ကိုယ်ကို လိမ်ဖို့ ကြိုးစားမိပါသလဲ။ အတွေးတွေက ရှုပ်ရှက်ခက်ကာ စာအုပ်ပေါ် ကြည့်မိတော့ အဓိပ္ပါယ်မဲ့ ရေးခြစ်ထားတဲ့ အရာတွေ။ Damn It !! ခပ်ဝေးဝေး နေစမ်းပါကွာ။ ယောင်လို့ တောင် ငါ့ခေါင်းထဲ နောက်တကြိမ် မ၀င်လာပါနဲ့။

From This Moment On ...

2008-08-28T09:50:00.002+08:00

(I do swear that I'll always be there. I'd give anything
and everything and I will always care. Through weakness
and strength, happiness and sorrow, for better, for worse,
I will love you with every beat of my heart.)

From this moment life has begun
From this moment you are the one
Right beside you is where I belong
From this moment on

From this moment I have been blessed
I live only for your happiness
And for your love I'd give my last breath
From this moment on

I give my hand to you with all my heart
Can't wait to live my life with you, can't wait to start
You and I will never be apart
My dreams came true because of you

From this moment as long as I live
I will love you, I promise you this
There is nothing I wouldn't give
From this moment on

You're the reason I believe in love
And you're the answer to my prayers from up above
All we need is just the two of us
My dreams came true because of you

From this moment as long as I live
I will love you, I promise you this
There is nothing I wouldn't give
From this moment
I will love you as long as I live
From this moment on

Shania Twain ရဲ့ From this moment on ပါ အားလုံး နားထောင်ဖူး ကြမယ် ထင်ပါတယ်။ ဘာကြောင့်မှန်း မသိဘူး (အဟဲ ဒီတလော ဘာကြောင့်မှန်း မသိတာတွေ များနေတယ်) တော်တော်ကြိုက်နေမိတယ် မနက်နိုးရင်၊ ညအိပ်ယာ ၀င်ရင် နားမထောင်ပဲ မနေနိုင်ဘူး။ စိတ်ထင် ရက် ၂၀ ကျော်ပီ။ သေချာတော့ မမှတ်မိဘူး။ ပထမ Shania Twain တယောက်တည်း ဆိုထားတဲ့ ဗားရှင်းကို သိပ်သဘောမကျဘူး။ နောက်ပိုင်း BSB နဲ့ Duet ဗားရှင်းမှာ တော်တော် ကြိုက်သွားတာ။ ကျနော့အတွက် အရမ်း အဓိပ္ပါယ်ရှိနေတယ်။ လတ်တလော အကြိုက်ဆုံး သီချင်းပါ။

ဒီနေရာ မှာ ဒေါင်းနိုင်ပါတယ်

အိပ်မရသော ညတစ်ည

2008-08-27T23:32:00.001+08:00

မနေ့ညက ကျနော် အိပ်ယာပေါ်ရောက်လို့ အိပ်မယ်လုပ်ပီးမှ ကျနော် မသုံးတာ ကြာပီ ဖြစ်တဲ့ ကျနော့် MP3 အဟောင်းလေးကို သတိရတာနဲ့ ကျနော် ပြန်ရှာချင်စိတ် ပေါ်လာခဲ့တယ်။ အချိန်ကြည့်တော့ ၂ နာရီ ကျော်နေပီ ဒါပေမဲ့ ကျနော်ကလည်း လုပ်မယ်ဆိုရင် ချက်ချင်း လုပ်ရမှ ကျေနပ်တဲ့ကောင်။ အဲဒါနဲ့ ကျနော့ ပစ္စည်းတွေ သိမ်းထားတဲ့ အံဆွဲလေးကို ဖွင့်ရှာဖြစ်ပါတယ်။ ဒီအံဆွဲကို မဖွင့်ခဲ့တာ တော်တော်ကြာခဲ့ပါပီ။ အထဲမှာ ကျနော် သင်္ဘောပေါ် ရောက်ပီးမှ ၀ယ်ဖြစ်တဲ့ စာအုပ်တွေ၊ သူငယ်ချင်းတွေ ပို့ပေးတဲ့ စာတွေ၊ မွေးနေ့ လက်ဆောင်တွေ၊ ရန်ကုန်က ကျနော်ယူလာတဲ့ အမှတ်တရ ပစ္စည်းတချို့နဲ့ ကျနော့ပိုင် ဒိုင်ယာရီ စာအုပ်တွေပါ။ MP3 ရှာတဲ့ဆီကို မရောက်တော့ပဲ မျက်လုံးက သွားမြင်တာက ကျောင်းသားဘ၀က မှတ်စု စာအုပ် ၂ အုပ်ကိုပါ။

မတွေးချင်ပေမဲ့ စိတ်က အတိတ်ကို ပြန်ရောက်သွားတယ်။ အဲဒီစာအုပ်လေး ၂ အုပ်ကို ယူပီး ကျနော် အိပ်ယာပေါ် ပြန်တက်ကာ အတိတ်ကို ပြန်ပုံဖော်နေမိတယ်။ တအုပ်က တအုပ်လုံး သူ့လက်ရေး နဲ့ ကူးပေးထားတဲ့ ဆယ်တန်း တုန်းက မြန်မာစာ မှတ်စုစာအုပ်။ နောက်တအုပ်က သူနဲ့ ကျနော် စကားများ ရန်ဖြစ်ကြလို့ တယောက်နဲ့ တယောက် စကားမပြောကြတဲ့ အခါ စာတိုလေးတွေ ရေးပီး ပြောတဲ့ စာအုပ်။ အထဲက စာလေးတွေ ဖတ်ပီး ကျနော်ပြုံးမိတယ်။

ကျနော်တို့ ဆယ်တန်းတွေပီးလို့ ကျောင်းတွေ ပိတ်တဲ့အချိန် နေ့ဆို သင်တန်းတွေ တူတူတက် ညဆို တညလုံး ဖုန်းခိုးပြောနဲ့ အဆက်သွယ် မပြတ်ကြပါဘူး။ ကျနော်တို့ ချစ်သူဖြစ်တဲ့ ၂ နှစ်ပြည့် အထိမ်းအမှတ်နေနဲ့ ကျနော် သူ့အတွက် သူ လုံးဝမထင်ထားတဲ့ ကြိုးကြာ အကောင် တထောင့်ငါးရာ တိတိကို ကိုယ်တိုင် ခေါက်ပေးခဲ့ပါတယ်။ အဲဒီရောင်စုံ ကြိုးကြာလေးတွေရဖို့ ကျနော် ၁လခွဲလောက် နေ့နေ့ညည ခေါက်ခဲ့ရတာပါ။ သယ်ရင်းတွေနဲ့ သွားလည်း ဒီအကောင်လေးတွေ ပါတယ်။ ဆိုင်ထိုင်လည်း ဒီကောင်တွေ ပါတယ်။ အမေကတော့ ငါ့သားတော့ မဟုတ်ဘူးတဲ့။ ညာရတာပေါ့ ငရဲတော့ ကြီးပါရဲ့ မေမေကတော့ သိတယ်ထင်ပါ့။ ဘာမှမပြော ရှာပါဘူး။ အဲခက်တာက နောက်ဆုံး အကောင့် ထောင့်ငါးရာလည်း ပြည့်ပီ။ ပေးရမဲ့ ရက်ကလည်း ကပ်တော့မှ ထည့်စရာ ပုလင်းက ရှာမရ။ ပုလင်းလေးတွေနဲ့ ခွဲထည့်ရင် သေရချည်ရဲ့။ ဆယ်ပုလင်းလောက်မှ ရမယ်။ အဲဒါနဲ့ နောက်ဆုံး ကြံမရတဲ့ အဆုံး ဒီကြိုးကြာလေးတွေ ခေါက်ဖို့ စက္ကူလေးတွေ ထုတ်တဲ့ အမဆီကို ဖုန်းဆက်သွယ်ပီး မေးတဲ့အခါမှ သူက အော်ဒါမှာပေးမယ် ပြောပါတယ်။ ရှက်တော့ အရှက်သား။ မစန္ဒာရဲ့ ကျေးဇူးနဲ့ ထောင့်ငါးရာလုံးကို တပုလင်းတည်း ထည့်နိုင်တဲ့ ပုလင်းလှလှလေး ရခဲ့ပါတယ်။ သူ့ကို ပေးခဲ့တဲ့ နေ့မှာ အံ့သြ၀မ်းသာသွားတဲ့ သူ့မျက်နှာကို ကျနော် မေ့မရပါဘူး။

နောက်ဆုံးတော့လည်း ကျနော်တို့ အကြောင်းကြောင်း ကြောင့် အဆင်မပြေပဲ သုံးနှစ်အပီးမှာ လမ်းခွဲခဲ့ကြပါတယ်။ လမ်းခွဲကြတယ် ဆိုပေမဲ့ တယောက်နဲ့ တယောက်မုန်းလို့ မဟုတ်ပဲ သဘောထားခြင်း မတိုက်ဆိုင်တာတွေ များလွန်းတာကြောင့် လမ်းခွဲ ခဲ့ကြတာဖြစ်ပါတယ်။ ခုချိန်ထိ တယောက်အကူညီလိုရင် တယောက်က ကူညီဆဲပါ။

ဘာရယ်မဟုတ်ပါဘူး စပ်ဆော့ပီး MP3 ရှာရာက ဇာတ်လမ်းအဟောင်း ပေါ်ပီး တော်တော် ညနက်တဲ့ အထိ မအိပ် ဖြစ်တော့ပါဘူး။

အိမ်ပြန်ချိန်

2008-08-26T16:28:00.000+08:00

ဟုတ်တယ် ကျနော့် အိမ်ပြန်ချိန်ဟာ နီးကပ်လာပီ။ ကျနော် ဒီဇင်ဘာပြန်မယ်ဗျာ။ ကျနော့ HOD ကို ပြောပီးပေမဲ့ အတည်တော့ မပြုရသေးပါဘူး။ အနီးကပ်မှ confirm ထပ်လုပ်ရမှာပဲ။ အင်း ဘာလိုလိုနဲ့ လာမဲ့ ဒီဇင်ဘာဆို ကျနော် အိမ်ကို ခွဲခွာ ခဲ့တာ ၂ နှစ်နဲ့ ၇ လ တင်းတင်းပြည့်ပီပေါ့။ ကျနော် ခုတည်းက ရင်ခုန်နေမိတယ်ဗျာ။ ကျနော်ပြန်သွားတဲ့ အချိန် ကျနော့ မိသားစုက ဘယ်လိုပုံစံနဲ့ ကြိုမှာပါလိမ့်လို့။ အရင်လို နွေးထွေးဆဲပဲလား စိမ်းသွားမှာလား။ ကျနော် လျှောက်တွေး နေတာပါ ကျနော့် မေမေနဲ့ ညီလေး ၂ယောက်ကတော့ ကျနော့ကို နွေးထွေးစွာ ကြိုမယ်ဆိုတာ မြေကြီး လက်ခတ် မလွဲပါဘူး။ ကျနော် သူတို့ကို အရမ်းမြင်ချင်တယ်ဗျာ။ ဒီ ၃နှစ် နီးပါး အချိန်မှာ ကျနော်သူတို့ ဓာတ်ပုံကိုတောင် တောင်းမကြည့်ခဲ့ပါဘူး။ ဘယ်လောက်ကြီး ပြောင်းလဲသွားလဲဆိုတာ မြင်ပီး အံ့သြချင်လို့ပါ။ သူတို့ကို တောင်းမကြည့် သလို ကျနော့ ပုံကိုလည်း မပို့ပေးခဲ့ပါဘူး။ ကျနော်က ဒါမျိုးလုပ်ရတာ သိပ်ဝါသနာပါသကိုး။

မေမေ အရင်ထက် အိုစာ သွားလား ညီလတ် ဘယ်လိုပုံဖြစ်နေပီလဲ ညီအငယ်ဆုံးလေး အရပ်ဘယ်လောက် ရှိနေပီလဲ ကျနော် အရမ်း သိချင် ပါတယ်။ အငယ်ဆုံးလေးက ကျနော်ထွက်လာတုန်းက တကယ့်ချာတိတ်ပါ။ ခုတော့ ဒီကောင် ဆယ်တန်း ရောက်နေပီလေ။ အဟတ် သိပ်ရှက်တတ်တဲ့ကောင် ကျနော့် အချစ်ဆုံးပါပဲ။ အင်း ဒုတိယကတော့ သူငယ်ချင်းတွေ ဒီကောင်တွေကိုလည်း ကျနော်သိပ်သတိရတယ် ကောင်းတူဆိုးဖက် ဟိုး ငယ်ငယ်တည်းက လည်ပင်းဖက်ပေါင်းလာကြတာ ခုချိန်ထိ ဘယ်လောက် ချစ်ကြလဲဆိုတာ စဉ်းစားကြည့်ကြဗျာ။ ဒီကောင်တွေလည်း ညီအကိုတွေပါပဲ။ ကျနော်က ထွက်လာပေမဲ့ ကျနော့အိမ်ကို အ၀င်အထွက်မပြတ် မေမေ့ ကို လိုတာကူညီ ပေးနေတုန်း။ ဒီကောင်တွေကိုလည်း တွေ့ချင်မိပါရဲ့။ ခု ဒီစာရေး နေရင်းနဲ့တောင် တော်တော်ပျော်လာတယ်။ ကဲ ကျနော့်အတွက် အိမ်ပြန်ချိန် countdown ကတော့ စပီဗျာ။

ပျော်တယ်ဗျာ

2008-08-25T19:17:00.000+08:00

ပျော်တယ်ဗျာ .. ဘယ်လိုဖြစ်လို့ ဒီနေ့ ဒီလောက် နှစ်နှစ်ခြိုက်ခြိုက် ပျော်နေလဲ ဆိုတာ ကိုယ့်ဟာကိုယ် တောင် မစဉ်းစား တတ်တော့ဘူး။ မနက်နိုးတည်းက စိတ်က တော်တော့ကို လန်းလန်းဆန်းဆန်း ရှိနေတာ အရင်နေ့ တွေကနဲ့ မတူဘူး။ ချတ်ရွမ်းထဲမှာလည်း စကားတွေ အရမ်းပြောနေမိတယ်။ အလုပ်ဝင်တော့လည်း လေလေး တချွန်ချွန် သီချင်းလေး တအေးအေးနဲ့ စက်တွေ သေချာ ရှင်းလင်းနေမိတယ်။ အလုပ်ဖော် သယ်ရင်းတွေကတောင် ဘာတွေ အူမြူးနေလဲတဲ့ အရင်နေ့တွေကနဲ့ မတူပါလားတဲ့။ ဟုတ်တယ် ကျနော် အလုပ်ထဲ ရောက်သွားရင် နေရင်းထိုင်ရင်း သတိဆွဲမိသလို တည်သွားတတ်တယ်။ ခုတော့ တအားကြီးကို ပေါ့ပါးနေတာ။ ဒီနေ့ကျမှ သင်္ဘော ကျောက်ဆူးက တင်မရဘူးလေ။ တင်မရတော့ သင်္ဘောက ထွက်မရ သင်္ဘောထွက်မရတော့ ကာစီနိုက ဖွင့်လို့မရ။ အားလုံး စကားပြော အာရိုက်နေကြတာပေါ့။ ဘရိတ်ခ်ချိန်လေး ထွက်လိုက် အလုပ်ထဲပြန်လာ အာရိုက်လိုက်နဲ့ တော်တော့ကို အဆင်ပြေနေတယ်။ လူကြီးတွေကတော့ ခေါင်းကိုက်နေကြတာပေါ့။ ခရီးသည်တွေကလည်း ကွန်ပလိန်း တက်ချင်နေကြပီ။ သင်္ဘောက ပုံမှန် ထွက်သင့်တဲ့ အချိန်ထက် ၃ နာရီကျော် နောက်ကျပီးမှ ထွက်တယ်။ အဲ့အချိန်မှ ကာစီနိုဖွင့်တော့ ကိုယ့်အလုပ်ချိန်က လေးနာရီ လောက်ပဲ ကျန်တော့တာပေါ့။ ဒီနေ့ ဖွင့်တဲ့အချိန် နောက်ကျပါတယ်ဆိုမှ ကျနော်က ဒီနေ့ Early Off ရတယ် ပိတ်ချိန်မရောက်မှီ စောပြန်လာရတာပေါ့။ ပျော်တယ်ဗျာ ဒီလို စိတ်ထဲမှာ နှစ်နှစ်ခြိုက်ခြိုက် ပျော်တာကို မခံစားရတာ ကြာပီ။ ဘာကြောင့်ပဲ ဖြစ်ဖြစ် ကျနော် ပျော်တယ်။

နှုတ်ဆက်ပါတယ် ပေကျင်း

2008-08-25T19:14:00.000+08:00

ရက်သတ္တပတ် ၂ ပတ်ကျော် ကြာမြင့်ခဲ့တဲ့ အိုလံပစ် အားကစား ပွဲတော်ကြီးတော့ ပီးဆုံးသွားပြန်ပါပီ။ နိုင်ငံဂုဏ် ဆောင်နိုင် ခဲ့တဲ့ အားကစားသမားပေါင်း များစွာ ပေါ်ထွက်ခဲ့ပါပီ။ ဒီနှစ်အတွက် ကျနော် အားအရဆုံးကတော့ အမေရိကန်တွေက လင်းပိုင်လူသားလို့ ချစ်စနိုး ခေါ်ဝေါ်တဲ့ အမေရိကန်နိုင်ငံ နိုငံရဲ့ ရေကူးသမား Michael Phelps ပါပဲ။ သူဟာ ပီးခဲ့တဲ့ အေသင် အိုလံပစ် ပြိုင်ပွဲမှာ ရွှေတံဆိပ် ခြောက်ခု ဆွတ်ခူးနိုင်ခဲ့ပါတယ်။ ဒီတခေါက် ပေကျင်း အိုလံပစ်မှာတော့ သူပါဝင်ယှဉ်ပြိုင်တဲ့ ရေကူးကစားနည်း ရှစ်ခုကနေ ရွှေတံဆိပ် ရှစ်ခု ရယူနိုင် ခဲ့ ပါတယ်။ အံ့အားသင့်စရာ ရလဒ်ပါပဲ ကျနော့် စိတ်ထဲက ချီးကျူးမိပါတယ်။ သူ့အကြောင်းကို စိတ်ဝင်စားလို့ အိုလံပစ်အကြောင်း အင်တာနက်မှာ wiki လိုက်တဲ့အခါ ပိုအံ့အားသင့် ရပါတယ်။ သူဟာ ၁၉၇၂ မြူးနစ် အိုလံပစ်မှာ Mark Spitz (အမေရိကန်နိုင်ငံသား) ခူးဆွတ်ထားတဲ့ ရွှေတံဆိပ် ၇ ခု စံချိန်ကို ကျော်လွန်သွားတာကို တွေ့ရပါတယ်။ ဂုဏ်ယူပါတယ် Michael Phelps ။

ပေကျင်း အိုလံပစ် ဖွင့်ပွဲဟာ ကြီးကျယ် ခမ်းနားလှပါတယ်။ တရုတ်လူမျိုးတွေဟာ လူဦးရေ ထူထပ်တာနဲ့အညီ ဒီဖွင့်ပွဲကို လူအင်အား သိန်းနဲ့ချီ သုံးပီး အခမ်းနားဆုံး ပြုလုပ်သွားတာ တွေ့ရပါတယ်။ ပေကျင်း အိုလံပစ် ပြိုင်ပွဲဟာ လွန်ခဲ့တဲ့ လေးနှစ်က အေသင် ပြိုင်ပွဲထက် ကြီးကျယ်တယ်ဆိုတာ မငြင်းနိုင်ပါဘူး။ ပိတ်ပွဲဟာလည်း ဖွင့်ပွဲ နည်းတူ ခမ်းနားလှပါတယ်။ ကျနော်ကြိုက်တဲ့ အိုက်ဒီယာလေးကတော့ အိုလံပစ် မီးရှူးတိုင်ကို သယ်ဆောင်မဲ့ နောက်နိုင်ငံ တနိုင်ငံဖြစ်တဲ့ London မြို့ဆီကို သွားဖို့အတွက် ကြိုတဲ့ ပြကွက်လေးဖြစ်ပါတယ်။ ဘတ်စကားဂိတ်မှာ စောင့်နေတဲ့ လူအုပ်စု ရွေ့လျားလာတဲ့ ဘတ်စ်စကား ဒါတွေကိုကြည့်ရုံနဲ့ လန်ဒန်ရဲ့ မြင်ကွင်းကို မြင်ယောင်မိစေပါတယ်။

ကျနော် ကြိုက်နှစ်သက်လှတဲ့ ဘောလုံးကစားသမား သရဲနီဟောင်း ဒေးဗစ်ဘက်ခမ်းဟာလည်း ဒီပွဲမှာ တက်ရောက်ပီး တလုံးတည်းသော ဘောလုံးကို ပရိတ်သတ်ဆီကို ကန်ကာ လက်ဆောင်ပေးခဲ့ပါတယ်။ ဒါကိုမြင်တော့ ဘက်ခမ် ပင်နယ်တီ လွဲတဲ့ ဘောလုံးကို e-bay မှာ လေလံတင် ပြန်ရောင်းခဲ့တာကို အမှတ်ရပီး အင်း .. ဘောလုံး လေလံ တခုတော့ သိပ်မကြာခင် မြင်ရဦးမယ်လို့ တွေးမိပါတယ်။

စိတ်မကောင်းမိတာကတော့ ကျနော်တို့ မြန်မာနိုင်ငံအလံကို သယ်ဆောင်လာတာ မြန်မာလူမျိုးတွေမဟုတ်တော့ပဲ တရုတ်ဖြစ်နေတာပါပဲ။